Перайсці да зместу

Сяргей Леанідавіч Зяневіч

З Вікіпедыі, свабоднай энцыклапедыі
Футбол
Сяргей Зяневіч
Поўнае імя Сяргей Леанідавіч Зяневіч
Нарадзіўся 23 студзеня 1976(1976-01-23) (48 гадоў)
Грамадзянства  Беларусь
Рост 180 см
Пазіцыя абаронца
Інфармацыя пра клуб
Клуб Арменія Алашкерт
Пасада трэнер
Маладзёжныя клубы
Беларусь Трактар (Мінск)
Беларусь Атака (Мінск)
Клубная кар’ера[* 1]
1993—1997 Беларусь Атака (Мінск) 129 (3)
1998 Беларусь БАТЭ (Барысаў) 4 (0)
1998   Беларусь Камунальнік (Слонім) 14 (0)
1999—2000 Беларусь Шэрыф (Ціраспаль) 8 (0)
2001 Беларусь Белшына (Бабруйск) 21 (0)
2002—2005 Беларусь Тарпеда (Жодзіна) 109 (0)
2006 Беларусь Лакаматыў (Віцебск) 20 (0)
2007 Беларусь Дарыда (Мінскі раён) 6 (0)
2007 Беларусь Белшына (Бабруйск) 9 (0)
2009—2011 Беларусь Рудзенск 63 (0)
2011 Беларусь Ведрыч-97 (Рэчыца) 12 (0)
Трэнерская кар’ера
2012—2013 Беларусь Славія (Мазыр) трэнер
2019—2021 Беларусь Тарпеда-БелАЗ (Жодзіна) трэнер
2019 Беларусь Тарпеда-БелАЗ (Жодзіна) в. а.
2021 Беларусь Тарпеда-БелАЗ (Жодзіна)
2022—2023 Беларусь БАТЭ (Барысаў) трэнер
2022 Беларусь БАТЭ (Барысаў) в. а.
2023— Арменія Алашкерт (Ерэван) трэнер
Узнагароды і медалі
Дзяржаўныя і ведамасныя ўзнагароды
Майстар спорту Беларусі
  1. Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 11 верасня 2023.

Сяргей Леанідавіч Зяневіч (Казлоўскі; нар. 23 студзеня 1976, Мінск) — беларускі футбаліст (правы абаронца) і трэнер. Майстар спорту Беларусі. У цяперашні час працуе трэнерам у армянскім клубе «Алашкерт». Да 1999 года насіў прозвішча Казлоўскі, затым змяніў яго на прозвішча маці — Зяневіч.

Клубная кар’ера

[правіць | правіць зыходнік]

Выхаванец мінскіх футбольных школ «Трактар» (трэнер — Міхаіл Анатолевіч Канаваленка) і «Атака» (трэнер — Якаў Міхайлавіч Шапіра). У 1993 годзе пачаў выступаць на дарослым узроўні ў складзе «Атакі», прайшоў разам з камандай шлях ад Другой лігі да Вышэйшай лігі. Усяго за «Атаку» сыграў больш за 100 матчаў.

У пачатку 1998 года разам з групай гульцоў «Атакі» перайшоў у БАТЭ, але ў асноўным складзе не замацаваўся і ў другой палове сезона па запрашэнні Якава Шапіры гуляў на правах арэнды за «Камунальнік» (Слонім). У пачатку 1999 года перайшоў у малдаўскі «Шэрыф», які тады трэніраваў беларускі трэнер Сяргей Бароўскі, стаў уладальнікам Кубка Малдовы 1998/99. Затым на працягу палутара гадоў нідзе не гуляў, з-за таго што «Шэрыф» не адпускаў яго за прымальную суму. Быў на праглядзе ў пецярбургскім «Зеніце», але беспаспяхова.

У 2001 годзе гуляў за «Белшыну» і выйграў з ёй залаты дубль — чэмпіянат і Кубак Беларусі. У 2002 годзе па запрашэнні Якава Шапіры перайшоў у жодзінскае «Тарпеда», дзе правёў чатыры сезоны, згуляўшы больш за 100 матчаў. Затым гуляў за віцебскі «Лакаматыў», «Дарыду» і зноў за «Белшыну».

Усяго ў Вышэйшай лізе Беларусі згуляў 243 матчы і забіў 2 галы.

У канцы кар’еры выступаў у ніжэйшых дывізіёнах за «Рудзенск» і «Ведрыч-97» (Рэчыца).

Трэнерская кар’ера

[правіць | правіць зыходнік]

У 2012 годзе стаў асістэнтам свайго былога партнёра па «Атацы» і жодзінскім «Тарпеда» Юрыя Малеева, які ўзначаліў мазырскую «Славію». Затым некалькі гадоў працаваў у школе БАТЭ, узначальваў юнацкую каманду клуба. У 2019 годзе ўвайшоў у трэнерскі штаб «Тарпеда-БелАЗ»[1], а ў верасні 2019 года нядоўга выконваў абавязкі галоўнага трэнера.

30 ліпеня 2021 года прызначаны галоўным трэнерам «Тарпеда-БелАЗ», пакінуў клуб у снежні 2021 года.

У студзені 2022 года ўвайшоў у трэнерскі штаб барысаўскага БАТЭ ў якасці старшага трэнера[2]. 17 жніўня 2022 года пасля звальнення Аляксандра Міхайлава стаў выканаўцам абавязкаў галоўнага трэнера БАТЭ[3]. Заставаўся ў гэтай ролі да кастрычніка, калі новым галоўным трэнерам стаў Кірыл Альшэўскі, пасля чаго працягваў праваць старшым трэнерам ужо ў штабе Альшэўскага.

У верасні 2023 года пакінуў БАТЭ[4] і неўзабаве стаў памочнікам галоўнага трэнера ў армянскім «Алашкерце»[5].

У жніўні 2023 года атрымаў трэнерскую ліцэнзію катэгорыі PRO[6].