Сяргей Леанідавіч Ціханоўскі

З пляцоўкі Вікіпедыя
Jump to navigation Jump to search
Сяргей Леанідавіч Ціханоўскі
Партрэт
Род дзейнасці бізнесмэн, палітык, ютубер, прадпрымальнік, актывіст
Дата нараджэння 18 жніўня 1978(1978-08-18) (42 гады)
Месца нараджэння
Жонка Святлана Георгіеўна Ціханоўская
Альма-матар
Commons-logo.svg Сяргей Леанідавіч Ціханоўскі на Вікісховішчы

Сяргей Леанідавіч Ціханоўскі (нар. 18 жніўня 1978, Гомель) — беларускі відэаблогер, аўтар YouTube-канала «Страна для жизни» (бел.: Краіна для жыцця), грамадскі дзеяч, прадпрымальнік, палітвязень.

Біяграфія[правіць | правіць зыходнік]

Нарадзіўся 18 жніўня 1978 года ў Гомелі. Скончыў філалагічны факультэт Гомельскага дзяржаўнага ўніверсітэта імя Францыска Скарыны.

Прадпрымальнік, стваральнік студыі «Компас Прадакшн», якая дзейнічае ў галіне відэаздымкаў. У асноўным дзейнічае ў Расіі і Украіне.

Свой YouTube-канал стварыў 11 сакавіка 2019 года. У сваім блогу распавядае пра жыццё ў Беларусі.

Спроба ўдзелу у выбарах[правіць | правіць зыходнік]

6 мая 2020 года, за 2 дні да абвяшчэння прэзідэнцкіх выбараў у Беларусі, Сяргей Ціханоўскі быў затрыманы міліцыяй ля горада Магілёва і змешчаны на 15 сутак арышту ў Гомелі паводле рашэння суда Савецкага раёна за ўдзел у акцыі пратэсту, якая адбылася 20 снежня 2019 года. 7 мая ў інтэрнэце, на канале Сяргея Ціханоўскага на сэрвісе відэаматэрыялаў «Юцюб» (YouTube), быў размешчаны відэазапіс, у якім ён распавёў аб сваім намеры вылучыцца кандыдатам у Прэзідэнты.

Для вылучэння кандыдата ў Прэзідэнты павінна быць зарэгістравана ініцыятыўная група. 15 мая, у апошні дзень прыёму дакументаў на рэгістрацыю ініцыятыўных груп, Цэнтральная камісія Рэспублікі Беларусь па выбарах і правядзенні рэспубліканскіх рэферэндумаў (старшыня — Лідзія Ярмошына) разгледзела дакументы па вылучэнні яго кандыдатам у Прэзідэнты. Сяргей Ціханоўскі у гэты час адбываў арышт, і дакументы на рэгістрацыю прадаставіла паводле даверанасці яго жонка Святлана Ціханоўская. Камісія адмовіла ў рэгістрацыі па той прычыне, што ў дакументах не было яго подпісу[1].

20 мая закончыўся тэрмін 15-суткавага арышту. Паколькі зарэгістравалі групу Святланы Ціханоўскай, Сяргей стаў кіраўніком гэтай групы.

29 траўня ў Гродне Сяргея Ціханоўскага затрымалі супрацоўнікі спецназу ў часе перадвыбарчага пікету за вылучэнне ў прэзідэнты ягонай жонкі. Падзеі, якія папярэднічалі затрыманню — заявы дзеючага кіраўніка дзяржавы Аляксандра Лукашэнкі на адрас Ціханоўскага, спроба перашкодзіць і стварыць канфліктную сітуацыю на пікеце з боку некалькіх жанчын, умяшальніцтва і затрыманне Ціханоўскага супрацоўнікамі міліцыі, дэманстратыўнае падзенне на зямлю міліцыянера і наступная рэакцыя на інцыдэнт дзяржаўных СМІ, дазволілі беларускім праваабаронцам зрабіць выснову аб тым, што ў дачыненні да Ціханоўскага магла быць здзейсненая правакацыя і прызнаць яго палітычным зняволеным[2].

30 траўня стала вядома аб узбуджэнні крымінальнай справы па факце гвалту ў дачыненні да супрацоўнікаў органаў унутраных спраў, удзел якім нібыта прымаў Сяргей Ціханоўскі і іншыя затрыманыя. Ціханоўскі і яшчэ сямёра затрыманых былі змешчаны ў ізалятар часовага ўтрымання Мінска. Затым адбыліся ператрусы ў офісе Ціханоўскага, доме яго маці, а таксама на лецішчы, дзе сілавікі нібыта знайшлі $900 тысяч[3]. Сяргею Ціханоўскаму і яшчэ сямі асобам выставілі абвінавачванне паводле ч. 1 арт. 342 (арганізацыя і падрыхтоўка дзеянняў, што груба парушаюць грамадскі парадак)[4].

29 чэрвеня праваабарончая арганізацыя Amnesty International прызнала Сяргея Ціханоўскага, а таксама некалькіх іншых арыштаваных апанентаў Лукашэнкі вязнямі сумлення[5].

Зноскі

Спасылкі[правіць | правіць зыходнік]