Сяргей Мікалаевіч Малінін

Сяргей Мікалаевіч Малінін
Сяргей Мікалаевіч Малінін
	1955 — 1958
Кіраўнік урада	Кірыл Мазураў; Мікалай Аўхімовіч; Ціхан Кісялёў
Нараджэнне	13 (26) чэрвеня 1907 ці 31 мая 1907; Мінск, Мінскі павет, Мінская губерня, Расійская імперыя;
Смерць	20 мая 1972 (64 гады)
Партыя	КПСС;
Адукацыя	БДУ;
Навуковая ступень	доктар эканамічных навук
Дзейнасць	палітык
Месца працы	БДУ;
Узнагароды

Сярге́й Мікала́евіч Малі́нін (13 чэрвеня (31 мая) 1907 — 20 мая 1972) — беларускі савецкі дзяржаўны дзеяч, намеснік старшыні Савета Міністраў Беларускай ССР, старшыня Дзяржплана БССР (1938—1944), доктар эканамічных навук, прафесар. Аўтар навуковых прац па эканоміцы і планаванню народнай гаспадаркі.

Біяграфія[правіць | правіць зыходнік]

У 1929 годзе скончыў Беларускі дзяржаўны ўніверсітэт, Маскоўскі планавы інстытут Дзяржплана СССР (1938).

У 1928 — 1936 гадах працаваў навуковым супрацоўнікам і загадчыкам сектарам эканомікі Інстытута арганізацыі і аздараўлення працы ВЦСПС.

З 1936 года і да пачатка Вялікай Айчыннай вайны — старшы навуковы супрацоўнік Інстытута эканомікі Акадэміі навук БССР і намеснік дырэктара па навуковай частцы.

У гады Вялікай Айчыннай вайны — палітрук роты, камісар батальёна, намеснік камандзіра стралковага палка па палітчасці.

У 1944 — 1946 гадах лектар палітупраўлення Беларускай ваеннай акругі.

У 1946 — 1947 гадах дырэктар Інстытута эканомікі Акадэміі навук БССР.

З 1947 года на працы ў ЦК КП(б)Б: намеснік начальніка ўпраўлення прапаганды і агітацыі, загадчык аддзела планавых, фінансавых і гандлёвых органаў.

У 1953 — 1965 гадах займаў пасаду Старшыні Дзяржплана БССР.

Адначасова ў 1955 — 1958 гадах намеснік Старшыні Савета Міністраў БССР.

З 1969 года — загадчык кафедры палітэканоміі БДУ.

У 1949 — 1952 кандыдат, 1952 — 1966 гадах член ЦК КПБ. Дэпутат Вярхоўнага Савета СССР (1958—1966), Вярхоўнага Савета БССР (1951—1959).

Экономика Белорусской ССР и перспективы ее развития: учебник. Мн., 1960 (в соавторстве);
Народное хозяйство Белоруссии на современном этапе: учебник. Мн., 1964;
Экономическая история БССР: учеб. пособие / под ред. С.Н. Малинина и К.И. Шабуни. Мн., 1969.