Сяргей Сяргеевіч Корсакаў

Сяргей Сяргеевіч Корсакаў
Дата нараджэння	22 студзеня 1854(1854-01-22)
Месца нараджэння	Гусь-Хрустальны, Уладзімірскі павет[d], Уладзімірская губерня, Расійская імперыя
Дата смерці	1 мая 1900(1900-05-01) (46 гадоў)
Месца смерці	Масква, Маскоўская губерня, Расійская імперыя
Месца пахавання	Alekseevskoe cemetery[d]
Грамадзянства	Расійская імперыя
Род дзейнасці	псіхолаг, псіхіятр
Навуковая сфера	псіхіятрыя
Месца працы	Імператарскі Маскоўскі ўніверсітэт
Навуковая ступень	доктар медыцыны
Альма-матар	медыцынскі факультэт Маскоўскага ўніверсітэта[d] Першы маскоўскі дзяржаўны медыцынскі ўніверсітэт імя І. М. Сечанава[d]
Навуковы кіраўнік	Aleksei Kozhevnikov[d]
Вядомыя вучні	Vladimir Serbsky[d]
Узнагароды
Медыяфайлы на Вікісховішчы

Сяргей Сяргеевіч Корсакаў (22 студзеня 1854 — 1 мая 1900) — выбітны рускі псіхіятр, адзін з заснавальнікаў назалагічнага кірунку ў псіхіятрыі і маскоўскай навуковай школы псіхіятрыі, аўтар класічнага «Курсу псіхіятрыі» (1893), адзін з заснавальнікаў эксперыментальнай псіхалагічнай лабараторыі ў Маскве ў 1886 годзе.

Навуковы ўклад

• Даў клінічнае апісанне парушэння памяці на актуальныя падзеі, якое суправаджаецца прасторавай і часавай дэзарыентацыяй, якую назвалі «Сіндромам Корсакава».
• Корсакаў вылучыў і апісаў яшчэ адну душэўную хваробу, т. зв. paranoia hyperphantasica.
• Вельмі каштоўным укладам у навукова-вучэбную медыцынскую літаратуру з’яўляюцца яго «Курс псіхіятрыі» (3-е выданне, 1914) і часопісныя артыкулы (пра хваравітыя расстройствы памяці і іх дыягностыка, псіхалогію мікрацэфалаў, свабоду волі, дамашні догляд псіхічнахворых і іншыя).
• Шматлікія вучні Корсакава стварылі адмысловую школу псіхіятраў і неўрапатолагаў.
• З імем Корсакава звязаная таксама рэформа арганізацыі псіхіятрычнай дапамогі, якая прывяла да карэннага пераўтварэння рэжыму і лекаў псіхічнахворых. Ён выступаў за «неўцісканне» псіхічнахворых; у яго клініцы былі скасаваныя звязванне хворых, прымяненне супакойвальнай кашулі і іншыя гвалтоўныя захады, знятыя краты з вокнаў. Ён напісаў шэраг прац пра пасцельнае ўтрыманне і дамашні догляд псіхічнахворых. Ён рэзка выступіў супраць прапанаваных і практычна ўжываных амерыканскімі хірургамі стэрылізацыі і кастрацыі псіхічнахворых, назваўшы гэтыя захады нялюдскімі.