Сяргей Уладзіміравіч Пятроўскі

Сяргей Уладзіміравіч Пятроўскі
Дата нараджэння	18 чэрвеня 1937(1937-06-18)
Месца нараджэння	Ратамка, Ждановіцкі сельсавет, Менскі раён, Беларусь
Дата смерці	9 снежня 1999(1999-12-09) (62 гады)
Адукацыя	Усерасійскі дзяржаўны ўніверсітэт кінематаграфіі імя С. А. Герасімава (1965)
Месца працы	Беларусьфільм
Прафесія	кінааператар
Узнагароды

Сяргей Уладзіміравіч Пятроўскі (18 чэрвеня 1937, Ратамка, Мінскі раён — 9 снежня 1999) — беларускі кінааператар. Заслужаны дзеяч мастацтваў Беларусі (1981).

Біяграфія

Скончыў Усесаюзны інстытут кінематаграфіі (1965). У 1954—62 і з 1965 года працаваў на кінастудыі «Беларусьфільм». Здымаў мастацкія, навукова-папулярныя, дакументальныя фільмы, лірычныя замалёўкі аб прыродзе, кінастужкі пра дзеячаў мастацтва. Сярод работ: ігравыя фільмы — «Вайна пад стрэхамі», «Сыны ідуць у бой», «Белая зямля» (усе 1970), «Заўтра будзе позна» (1973, з В. Свобадай); дакументальныя — «Пра сонца, зямлю і хлеб надзённы» (1974), «Мы з Беларусі», «Ларыса Александроўская» (абодва 1975), «Добрая зямля», «Гарызонты дарог» (абодва 1977, у сааўт.), «Зямля мая — лёс мой» (1978, з А. Алаем), «Бацькоўскае поле» (1979), «Пяць гадоў і ўсё жыццё» (1980, у сааўт.), «Дзядзька Якуб» (1981), серыял «У вайны не жаночы твар» (1981—85, з Ю. Ялховым), «Вяртанне ў першы снег», «Васіль Быкаў. Узыходжанне» (абодва 1985, апошні з Ю. Ялховым).

Літаратура

• Пятроўскі // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).