Сівуч

Сівуч
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чатырохногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Laurasiatheria Атрад:  Драпежныя Падатрад:  Сабакападобныя Інфраатрад:  Arctoidea Парватрад:  Ластаногія Надсямейства:  Otarioidea Сямейства:  Вушастыя цюлені Род:  Сівучы Від:  Сівуч
Міжнародная навуковая назва
Eumetopias jubatus Schreber, 1776
Ахоўны статус
Блізкія да ўразлівага становішча IUCN 3.1 Near Threatened : / 8239
Сістэматыка на Віківідах Выявы на Вікісховішчы ITIS   180625 NCBI   34886

Сіву́ч (Eumetopias jubatus) — від млекакормячых жывёл, адзіны сучасны прадстаўнік роду Сівучы (Eumetopias) сямейства вушастых цюленяў.

Апісанне

Даўжыня цела сівучаў да 3,5 м. Важаць да 800 (1000) кг. Пыса, шыя і плечавы пояс масіўныя, ласты доўгія і шырокія. Дарослыя самцы маюць грыву. Афарбоўка рыжая летам і бурая зімой.

Харчаванне

Рацыён паўночнага марскога льва складаецца з рыбы, галаваногіх малюскаў і ракападобных. Паляванне на малюскаў адбываецца на дне, жывёла здольная ныраць на глыбіню 227 м. Палюе на рыбныя касякі. Акрамя таго, самцы могуць нападаць на дзіцянят звычайных цюленяў і марскіх коцікаў, якія знаходзяцца на лежні.

Пашырэнне

Пашыраны ў паўночнай частцы Ціхага акіяна ад поўначы Японіі да Каліфорніі, уключаючы Ахоцкае і Берынгава моры. Ахоўваецца ў Расіі, ЗША і Японіі. Занесены ў Чырвоную кнігу МСАП.

Асаблівасці біялогіі

Размнажаюцца звычайна на камяністых берагах астравоў вясной і летам. Самцы ўтвараюць гарэмы з 15—20 самак. Нараджаюць адно дзіцяня. Кормяцца рыбай, малюскамі і іншымі марскімі жывёламі.

Літаратура

• Сівучы // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 365. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Сивуч (северный морской лев) Eumetopias jubatus Красная книга России (руск.)
• Северные морские львы // Проект «Элементы» (руск.)