Сімвал веры

З пляцоўкі Вікіпедыя
Jump to navigation Jump to search
Ікона, на якой адлюстраваны імператар Канстанцін (у цэнтры) разам з айцамі Першага Нікейскага сабора (325 год), якія трымаюць Нікейска-Канстанцінопальскі сімвал веры (381 год), са зменамі для выкарыстання ў грэчаскай літургіі.

Сімвал веры — выкладанне агульных перакананняў рэлігійнай абшчыны ў выглядзе пэўнай формулы з кароткім пералічэннем асноўных прынцыпаў.

Адным з найбольш шырокавыкарыстоўваемых сімвалаў веры ў хрысціянстве з'яўляецца Нікейскі сімвал веры, упершыню сфармуляваны ў 325 годзе на Першым Нікейскім саборы. Гэты сімвал веры быў заснаваны на хрысціянскім разуменні кананічных Евангелляў, пасланняў Новага Запавету і ў меншай ступені на Старым Запавеце. Прыняцце гэтага сімвала веры, які апісвае Тройцу, як правіла прымаецца ў якасці фундаментальнай праверкі веры для большасці хрысціянскіх канфесій. Апостальскі Сімвал веры таксама мае шырокае прызнанне. Некаторыя хрысціянскія канфесіі і групы адмаўляюць аўтарытэт гэтых веравызнанняў.

Мусульмане вызнаюць Шахаду або пасведчанне: «Я веру, што няма бога, акрамя (аднаго) Бога (Алаха), і я веру, што Мухамад — пасланец Бога».

Застаецца прадметам спрэчак ці ёсць сімвалы веры ў іўдазме. Хоць некаторыя даследчыкі кажуць, што іўдаізм не мае сімвалаў веры па сваёй прыродзе; іншыя кажуць, што прызнаецца адзіны сімвал веры — Шма Ізраэль, які пачынаецца: «Слухай, Ізраіль: Гасподзь, Бог наш, Гасподзь адзіны ёсць».

Найбольш вядомыя сімвалы веры[правіць | правіць зыходнік]

  • Старарымскі Сімвал веры — ранейшая і больш кароткая версія Апостальскага сімвала веры. Быў заснаваны на правілах 2-га стагоддзя веры і выкладанні веры для тых, хто атрымліваў хрышчэнне.
  • Апостальскі сімвал веры шырока выкарыстоўваецца ў большасці хрысціянскіх канфесій, як для катэхізічных, так і для літургічных мэт.
  • Нікейскі сімвал веры адлюстроўвае намеры Першага Нікейскага сабора ў 325 годзе сфармуляваць тое, у што верылі хрысціяне.
  • Халкедонскі сімвал веры быў прыняты на Халкідонскім Саборы ў 451 годзе ў Малой Азіі. Ён вызначае, што Хрыстос «прыйшоў у двух прыродах», якія «сышліся разам у адной асобе і іпастасі».
  • Афанасьеўскі сімвал веры — хрысціянскае сцярджэнне веры з упорам на вучэнне пра Тройцу і хрысталогію. Гэта першы сімвал веры, у якім сцвярджаецца роўнасць трох асоб Тройцы, і адрозніваецца ад Нікейскага і Апостальскага сімвалаў веры ўключэннем анафемы, або асуджэння тых, хто не згодны з сімвалам веры.
  • Трыдэнцкі сімвал веры першапачаткова змяшчаўся ў папскай буле Iniunctum Nobis, выдадзенай Папам Піем IV 13 лістапада 1565 г. Сімвал веры быў прызначаны для абагульнення вучэння Трыдэнцкага сабора (1545—1563).

Пратэстанскія веравызнанні[правіць | правіць зыходнік]

У пратэстантскіх дэнамінацыях звычайна маюцца веравызнанні, падобныя на сімвалы веры, але, як правіла, большыя. Найбольш вядомыя веравызнанні:

Некаторыя хрысціянскія канфесіі не спавядаюць сімвалы веры, згаджаючыся аднак са зместам некаторых з іх.