Сімпатрыя

Сімпатры́я або сімпатрычнасць (ад грэч. Sýn — разам і patris — радзіма) — спосаб відаўтварэння, пры якім ўзнікненне новых відаў адбываецца ў папуляцыях з перакрыжаванымі альбо супадаючымі арэаламі. Папуляцыі, якія жывуць на адной і той жа тэрыторыі, завуць сімпатрычнымі. Не скрыжаваныя паміж сабой віды, якія суіснуюць у межах адной і той жа вобласці, з’яўляюцца сімпатрычнымі. Гэтым тэрмінам прынята пазначаць 2 розныя сітуацыі: у першай сітуацыі папуляцыі суіснуюць генетычна, але не экалагічна, а ў другой — суіснуюць як генетычна, так і экалагічна. Першая сітуацыя завецца сумежнай сімпатрыяй, другая — біятычнай сімпатрыяй.

Літаратура

• Сімпатрыя // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 387. — 10 000 экз. — ISBN 985-11-0035-8. — ISBN 985-11-0238-5 (т. 14).