Сінец

З пляцоўкі Вікіпедыя
Jump to navigation Jump to search
Сінец
Abramis ballerus.jpg
Навуковая класіфікацыя
Міжнародная навуковая назва

Ballerus ballerus (Linnaeus, 1758)

Ахоўны статус
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS  639435
NCBI  155074
EOL  212199

Сіне́ц[1] (Ballerus ballerus) — від рыб з сямейства карпавых (Cyprinidae).

Назва[правіць | правіць зыходнік]

Спіна сіняя — адсюль назва. Народныя назвы: кляпец, сіньга, сопа.

Апісанне[правіць | правіць зыходнік]

Даўжыня цела да 40 см, маса да 1 кг. Падобны да ляшча. Адрозніваецца больш выцягнутым і сціснутым целам, дробнай луской, завостраным ротам, злёгку накіраваным угору, больш доўгім анальным плаўніком і інш. Галава невялікая. Спіна цёмна-сіняя, бакі і бруха серабрыста-белыя з залацістым адлівам, няпарныя плаўнікі бледна-шэрыя, грудныя — жаўтаватыя з чарнаватай аблямоўкай. Хваставы плаўнік з глыбокай выемкай.

Пашырэнне[правіць | правіць зыходнік]

Пашыраны ў вадаёмах басейнаў Балтыйскага, Азоўскага, Каспійскага, Чорнага мораў. Азёрна-рачная рыба, якая водзіцца толькі ў праточных азёрах, што ляжаць у рэчышчах. Насяляе раўнінныя ўчасткі рэк з ціхім цячэннем, больш шматлікі ў вусцевых участках буйных рэк. На Беларусі ў невялікай колькасці водзіцца ў рацэ Дняпро і яго прытоках (Прыпяць, Сож, Бярэзіна).

Асаблівсці біялогіі[правіць | правіць зыходнік]

Жыве чародамі. Зімуе на ямах у рэчышчах. Пасля таго як сыходзіць лёд, пакідае зімавальныя ямы і ідзе на пойму для нересту.

Палаваспелымі становятцца асобіны на 4-м годзе жыцця пры даўжыні каля 20 см. Адкладвае ікру пры тэмпературы вады 7—9 °C. Нерасцілішчамі служаць залітыя паніжаныя ўчасткі пойм, затокі з леташняй расліннасцю. Плоднасць 4—25 тыс. ікрынак і больш.

Корміцца зоапланктонам, пераважна ніжэйшымі ракападобнымі, і бентасам.

Тэмп росту невысокі. Напрыклад у воз. Палік у 6-гадовым узросце маса сінца была каля 400 г.[2]

Промысел[правіць | правіць зыходнік]

Прамысловае значэнне невялікае.

Зноскі

  1. Сінец // БЭ ў 18 тамах., Т. 14. — Мн.: БелЭн, 2002. — С. 400
  2. Животный мир Беларуси. Позвоночные: учеб. пособие / В. В. Гричик, Л. Д. Бурко. — Мн.: Изд. центр БГУ, 2013. — С. 26

Літаратура[правіць | правіць зыходнік]