ТЕТ (тэлеканал)

ТЕТ
Краіна	Украіна
Зона вяшчання	Украіна
Час вяшчання	Кругласутачна
Мова вяшчання	украінская і руская
Фармат выявы	576i 16:9 ( SDTV )
Дата пачатку вяшчання	1992
Уладальнік	«1+1 медыя»
Кіраўнікі	Ірына Касцюк (16 лістапада 2010 — 20 лютага 2014), Наталля Вашко (21 лютага 2014)
Сайт	tet.tv

ТЕТ — украінскі тэлеканал. Пачаў вяшчанне ў 1992 годзе.

Гісторыя

Канал «ТЕТ-А-ТЕТ» быў заснаваны ў 1992 годзе як адзін з першых прыватных тэлеканалаў ва Украіне. Ён пачаў эфірны паказ на 30-м кіеўскім канале. Спачатку на тэлеканале ў 1992 годзе былі невялікія блокі з паказу: фільмаў і праграм асабістай вытворчасці. З часам сетка пашыралася, з’явіліся навіны. У 1995 годзе ў тэлеканала пачаліся праблемы з трансляцыяй. Нацыянальны савет Украіны па тэлебачанні даў ТЕТу і ТРК Кіеў адну і тую ж частату вяшчання. І толькі ў 2003 годзе ўся гэтая калізія з частатой была вырашана з дапамогай новага менеджменту тэлеканала ТЕТ. ТЕТ атрымаў ліцэнзію на 42-м месцы, а ТРК Кіеў застаўся на 30-м. Яны абодва атрымалі магчымасць вяшчаць 24 гадзіны ў суткі.

Ад 24 красавіка 2004 года ў эфіры ТЕТ прадстаўлены розныя жанры тэлевізійных забавак: рэаліці-шоу, ток-шоу, тэлесерыялы, гумарыстычныя праграмы, мультфільмы, спартыўныя трансляцыі. На тэлеканале ТЕТ няма палітычных праграм, у тым ліку і выпускаў навін, акрамя навін свецкага і спартыўнага характару. Пакрыццё канала складае 91,9 % тэрыторыі Украіны.

Пакрыццё

Эфірнае — больш за 95 % тэрыторыі Украіны, кабельнае, спадарожнікавае, лічбавае DVB- T2.

Эфір

Серыялы

• Віталька
• Кухня
• Маленькія таямницы
• Аднойчы пад Палтавай
• Святлафор

Праграмы

• Краіна У
• Багіня шопінгу
• Панянка-сялянка
• Дамачкі руляць

Мультсерыялы

• Мульцік з Лунцікам
• Шоу Гарфілда
• Смурфікі
• Даша-следапыт
• Наперад, Діега!
• Сярдзітыя птушкі
• Фіксікі
• Маша і Мядзведзь
• Белка і Стрэлка. Гарэзная сямейка
• Смяшарыкі. Пін-код
• Смяшарыкі. Новыя прыгоды

Паходжанне і мова кантэнту

Па выніках маніторынгаў актывістаў кампаніі «Байкот расійскага кіно», за перыяд з 8 па 14 верасня 2014 года на тэлеканале ТЕТ дэманстравалі 4 г. 45 хв. расійскага кантэнту ў суткі.