Тагіянскія астравы
| Тагіянскія астравы | |
|---|---|
| індан. Pulau Togian | |
.jpg) Знешні выгляд | |
| Характарыстыкі | |
| Колькасць астравоў | 56 |
| Агульная плошча | 180,1 км² |
| Найвышэйшы пункт | 542 м |
| Насельніцтва | 40 000 чал. (2010) |
| Шчыльнасць насельніцтва | 222,1 чал./км² |
| Размяшчэнне | |
| 0°25′ пд. ш. 121°52′43″ у. д.HGЯO | |
| Акваторыя | заліў Таміні |
| Краіна | |
 Медыяфайлы на Вікісховішчы | |
Тагіянскія астравы (індан.: Pulau Togian) — архіпелаг у заліве Таміні з 56 астравоў і рыфаў. Уваходзіць у склад Інданезіі. Плошча — 180,1 км². Насельніцтва ў 2010 г. — каля 40 000 чал.
Прырода[правіць | правіць зыходнік]
Тагіянскія астравы месцяцца на поўдні — паўднёвым цэнтры заліва Таміні. Маюць вулканічнае паходжанне. Сфарміраваліся ў выніку падняцця сушы і апускання ўзроўню акіяна каля 10 — 8 тысяч гадоў таму. Найвышэйшы пункт — 542 м. Вакол астравоў узніклі каралавыя рыфы.
Клімат марскі экватарыяльны. На працягу года сярэдняя тэмпература застаецца практычна нязменнай.
Прырода астравоў адрозніваецца значным багаццем. На схілах гор і пагоркаў захаваліся трапічныя лясы. На астравах жывуць рэдкія віды птушак, шматлікія яшчаркі, макакі, чарапахі, дзюгоні, матылі. Вялікую цікавасць прадстаўляе падводны свет мясцовых каралавых рыфаў, населеных 596 відамі рыб.
Насельніцтва і культура[правіць | правіць зыходнік]
На астравах месціцца 36 вёсак. Згодна перапісу 2010 г., у іх жыло каля 40 тысяч чалавек. На самой справе, многія мясцовыя жыхары, зафіксаваныя перапісам, стала жывуць на ўзбярэжжы Сулавесі або ў гарадах, наведваюць астравы толькі некалькі разоў у год. Карэннае насельніцтва Тагіянскіх астравоў — баджа, якія размаўляюць на асобным мясцовым дыялекце, займаюцца рыбалоўствам, зборам малюскаў і водарасцяў, марскім гандлем. Аднак большасць сучаснага насельніцтва складаюць перасяленцы-мінахасы.
Турызм[правіць | правіць зыходнік]
Тагіянскія астравы — важны турыстычны цэнтр Сулавесі. У нашы дні ён фарміруе аснову мясцовай эканомікі. Астравы наведваюць аматары нырання з аквалангам і адпачынку на пляжах. Узровень інфраструктуры пакуль значна саступае іншым турыстычным цэнтрам Інданезіі. Асаблівыя праблемы ўзнікаюць з марскім транспартам.
Спасылкі[правіць | правіць зыходнік]
- Тагіянскія астравы на everto.org Архівавана 27 сакавіка 2014.
- Тагіянскія астравы на waleakodi.com Архівавана 2 сакавіка 2014.
- Даведнік для вандроўнікаў
- Старонкі Паўночнага Сулавесі Архівавана 23 лютага 2014.
- Геалагічная карта
- Нацыянальны парк
- Спіс астравоў Інданезіі Архівавана 22 студзеня 2017.
