Тадэвуш Францішак Агінскі

Тадэвуш Францішак Агінскі
Тадэвуш Францішак Агінскі. К. Мінтэр, XIX ст.
Герб «Агінскі»
Ваявода троцкі
26 сакавіка 1770 — лістапад 1783
Папярэднік:	Аляксандр Пацей
Пераемнік:	Андрэй Агінскі
Дзейнасць:	палітык
Нараджэнне:	26 жніўня 1712(1712-08-26)
Смерць:	25 лістапада 1783(1783-11-25) (71 год) Ручыца, Ашмянскі павет, Віленскае ваяводства, Вялікае Княства Літоўскае, Рэч Паспалітая
Пахаванне:	Кафедральны сабор Святога Станіслава
Дынастыя:	Род Агінскіх
Бацька:	Марцыян Міхал Агінскі
Маці:	Тэрэза Агінская
Жонка:	Ізабела Радзівіл Ядвіга Залуская
Дзеці:	Францішак Ксаверый Агінскі і Андрэй Агінскі
Узнагароды:

Тадэвуш Францішак Агінскі (26 жніўня 1712 — 31 снежня 1783, Маладзечна) — вялікалітоўскі дзяржаўны дзеяч, пісар вялікі літоўскі (1737—1744), кашталян троцкі (1744—1770), ваявода троцкі (1770—1783).

Быў старостам ашмянскім (з 1739).

Біяграфія

Са старэйшай княжацкай лініі роду Агінскіх, сын Марцыяна Міхала і Тэрэзы з Бжастоўскіх. Меў братоў Ігнацыя і Станіслава Ежы.

Тадэвуш Францішак Агінскі

У 1733 падпісаў элекцыю Станіслава Ляшчынскага і выступіў у яго абарону. Пазней у 1736 вызнаў уладу Аўгуста Саксонскага. Актыўны ўдзельнік соймаў, яго прамовы выйшлі ў друку. Маршалак Гарадзенскага сойма (5 кастрычніка — 19 лістапада 1744). Падпісаў элекцыю Станіслава Аўгуста, быў членам Пастаяннай Рады (1776—1778).

Збудаваў палац у Маладзечна, дзе ўладкаваў уласную рэзідэнцыю. Пры палацы мелася багатая бібліятэка і мастацкая галерэя.

У шлюбе з Ізабелай Радзівіл меў сыноў Андрэя і Францішка Ксаверыя. Другі шлюб з Ядвігай Залускай быў бяздзетным.

Крыніцы

• Грыцкевіч А. Агінскія // Вялікае княства Літоўскае: Энцыклапедыя. У 3 т. Т.1: Абаленскі — Кадэнцыя / Рэдкал.: Г.П. Пашкоў (гал.рэд.) і інш.; Маст. З.Э. Герасімовіч. – Мн.: БелЭн, 2005. – 688 с.: іл. С. 203. ISBN 985-11-0315-2 ISBN 985-11-0314-4 (т. 1)