Талькаўская базавая школа
| Талькаўская базавая школа | |
|---|---|
| Заснавана | 1912 |
| Закрыта | 2016 |
| Тып | школа |
| Сайт | talka.schools.by |
Дзяржаўная ўстанова адукацыі «Талькаўская базавая школа» — былая ўстанова адукацыі ў в. Талька Пухавіцкага раёна Мінскай вобласці. У 2016 годзе была зачынена[1].
Гісторыя[правіць | правіць зыходнік]
Адчынілася Талькаўская (Слабода-Талькаўская) школа ў 1912 годзе. Першай настаўніцай была Аляксандра Ржэцкая. У пачатку 20-х гг. у Тальцы было 3 школы: беларуская (Слабода-Талькаўская), у якой настаўнічалі Ярмак Людміла і Жлобіч Іван; Талькаўская польская — Альшамоўская Алена і Тамашэўская Браніслава, і яўрэйская, дзе працаваў Кантаровіч Абрам.
У 1920-я гг. школа была пачатковай. У 1927 годзе стала сямігадовай.
У 1932 годзе быў пабудаваны першы будынак сучаснай школы, да гэтага часу яна размяшчалася ў наёмных памяшканнях, кіраваў будаўніцтвам загадчык школ Феафіл Зіноўевіч Ермалінскі.
У 1937 годзе Талькаўская школа пачала пераход да дзесяцігодкі, і ў 1939 годзе адбыўся першы выпуск 10 класа[2].
У 2003 годзе ў школе навучалася 113 вучняў і працаваў 21 настаўнік[3].
Вядомыя выпускнікі[правіць | правіць зыходнік]
- Мікалай Рыгоравіч Баёк — беларускі вучоны, кандыдат медыцынскіх навук. Спецыяліст у вобласці хірургіі,
- Таццяна Аляксандраўна Ждановіч — беларускі медык. Заслужаны ўрач БССР (1960),
- Іван Леапольдавіч Лысакоўскі — разведчык, генерал-маёр, беларускі ваенны і дзяржаўны дзеяч, намеснік старшыні КДБ БССР,
- Міхаіл Міхайлавіч Ляйкоўскі — беларускі вучоны, кандыдат медыцынскіх навук (1964), заслужаны ўрач БССР (1976),
- Аляксандр Аляксандравіч Лухвіч — беларускі фізік. Доктар тэхнічных навук (1968), прафесар (1989),
- Шлёма Шмідт — выкладчык у Маскоўскім ваенным вучылішчы.
Дырэктары школы[правіць | правіць зыходнік]
- Бірыла (быў дырэктарам да вайны)
- Іван Вікулавіч Барысенка (1947—1957)
- Іван Ціханавіч Хазяе (1957—1961)
- Наталля Віктараўна Меркуль (?—2016)
Выкладчыкі[правіць | правіць зыходнік]
- Алесь Макарэвіч — беларускі літаратуразнавец, крытык. Доктар філалагічных навук,
- Міхась Скрыпка — беларускі пісьменнік-сатырык,
- Наталля Валянцінаўна Ільініч — краязнаўца.
- Ларыса Лявонцьеўна Кароткая — літаратуразнавец, педагог, кандыдат філалагічных навук, дацэнт.
Гл. таксама[правіць | правіць зыходнік]
Зноскі
- ↑ https://www.svaboda.org/a/27961767.html
- ↑ http://old.talka.info/stalka.html Архівавана 16 жніўня 2018.
- ↑ https://talka.schools.by/ Архівавана 4 верасня 2019.
Літаратура[правіць | правіць зыходнік]
- Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с. — 3000 экз. ISBN 985-01-0251-9