Танец сонца

З пляцоўкі Вікіпедыя
Jump to navigation Jump to search
Фота каля 1910 г.

Танец сонцарэлігійныя рытуалы, характэрныя пераважна для індзейцаў Вялікіх раўнін. Звычайна арганізоўваліся перад летнім паляваннем на бізонаў або квітнення кукурузы. Мэта рытуалаў заключалася ў асабістым ахвярапрынашэнні вышэйшым сілам дзеля выгоды супольнасці. Танец сонца ўсведамляўся ўдзельнікамі як абнаўленне свету.

Рытуалы цягнуліся 4 дні, праводзіліся мужчынамі, хаця сярод чарнаногіх і цуутына частка падрыхтоўкі клалася на жанчын. Яны ўключалі непасрэдна танец, пост і малітвы. Для каёва важнымі з'яўляліся мроі падчас паста. Цырымоніі ўзначальваў мужчына, які быў шаманам або дасведчаным удзельнікам папярэдніх танцаў. У цэнтры пляцоўкі для танца ўзводзіўся слуп «грымотная птушка». Удзельнікі праколвалі скуру на целе, прапускалі скрозь яе рамяні з сырамятнай скуры, прывязаныя да слупа. Працэсія ўдзельнікаў рухалася вакол слупа, пры гэтым спявала і выконвала імітацыйныя рухі.

Дні танца сонца з'яўляліся важнай падзеяй, суправаджаліся зборам плямён, абменам, гандлем і заключэннем шлюбаў.

Паколькі танец сонца значыў пераадоленне болі, ён неадназначна ўспрымаўся сярод белых, супраць выступалі хрысціянскія арганізацыі. У 18851951 гг. танец сонца быў забаронены на тэрыторыі Канады. З канца 1880-х гг. да 1934 г. забароны прадпрымаліся таксама ў ЗША.

Спасылкі[правіць | правіць зыходнік]