Танімбар

З пляцоўкі Вікіпедыя
Jump to navigation Jump to search

Танімбар
Tanimbar mapa be.png
7°30′ пд. ш. 131°30′ у. д.HGЯO
АкваторыяЦіхі акіян
Колькасць астравоў65
Найбуйнейшы востраўвостраў Ямдэна
Агульная плошча5 430 км²
Найвышэйшы пункт240 м
КраінаFlag of Indonesia.svg Інданезія
Танімбар (Інданезія)
Танімбар
Танімбар
Насельніцтва (2010)105 394 чал.
Шчыльнасць насельніцтва19,41 чал./км²
Фота 1910 г.
Фота 1910 г.
Commons-logo.svg Танімбар на Вікісховішчы

Танімба́р (індан.: Tanimbar) — архіпелаг з прыкладна 65 астравоў на захадзе Ціхага акіяна. Уваходзіць у склад інданезійскай правінцыі Малуку. Плошча — 5 430 км². Насельніцтва (2010 г.) — 105 394 чал.

Геаграфія[правіць | правіць зыходнік]

Архіпелаг Танімбар з'яўляецца вяршыняй падводнага плато паміж морам Банда і Арафурскім морам. Геолагі лічаць, што астравы першапачаткова фарміраваліся ў юрскі перыяд, калі на плато пачалі вывяргацца гразевыя вулканы. Значная частка паверхні склалася дзякуючы каралавым рыфам. Усе астравы архіпелага нізкія. Найвышэйшы пункт на ўсходзе вострава Ямдэна — 240 м.

Клімат трапічны мусонны. Сярэднегадавая тэмпература трымаецца каля +27,2°C. З мая да лістапада цягнецца сухі сезон. У жніўні сярэдняя колькасць ападкаў паніжаецца да 49 мм. У астатнія месяцы вельмі вільготна. У студзені сярэдняя колькасць ападкаў дасягае 354 мм. Сярэднегадавая колькасць ападкаў — 2344 мм.

Прырода[правіць | правіць зыходнік]

Біёлагі адносяць флору архіпелага Танімбар да паўднёвага меланезійскага рэгіёна. Назіраецца перавага аўстралійскіх відаў. Значная частка архіпелага пакрыта дажджавымі лясамі. На ўзбярэжжы сустракаюцца мангры.

Наземная фаўна не адрозніваецца багаццем. Ізаляванасць архіпелага прывяла да нешматлікай колькасці дзікіх відаў сысуноў. У той жа час на Танімбары шмат птушак, у тым ліку 10 эндэмічных відаў.

Гісторыя[правіць | правіць зыходнік]

Архіпелаг Танімбар быў населены каля 2 - 3 тысячагоддзяў таму аўстранезійцамі. У перыяд позняга сярэднявечча пачаліся сталыя кантакты з вонкавым светам. З Танімбара вывозілі галатурый, чарапах, каштоўныя віды драўніны, рабоў. На еўрапейскіх картах астравы ўпершыню з'явіліся ў 1563 г. Разам з Малукскімі астравамі яны былі фармальна далучаны да галандскіх калоній, але іх асваенне пачалося толькі ў першай палове XX ст. Падчас II Сусветнай вайны акупаваны Японіяй. Вызвалены аўстралійскімі салдатамі ў 1945 г. У 1950 г. далучаны да Інданезіі.

Спасылкі[правіць | правіць зыходнік]