Таццяна Генадзеўна Палушкіна
| Таццяна Генадзеўна Палушкіна | |
|---|---|
| Нараджэнне |
14 лютага 1957 (68 гадоў) |
Таццяна Генадзеўна Палушкіна (нар. 14 лютага 1957, Полацк) — беларуская педагог і дэпутатка.
Біяграфія
[правіць | правіць зыходнік]Нарадзілася 14 лютага 1957 года ў горадзе Полацку Віцебскай вобласці[1].
Скончыла Віцебскі дзяржаўны педагагічны інстытут імя С. М. Кірава[1].
Працоўную дзейнасць пачала настаўніцай сярэдняй школы № 7 г. Полацка; працавала выкладчыцай, намесніцай дырэктара па вучэбна-вытворчай рабоце Полацкага педагагічнага вучылішча імя Ф. Скарыны; дырэктаркай гэтага вучылішча (каледжа)[1].
Дырэктарка Полацкага каледжа Віцебскага дзяржаўнага ўніверсітэта імя П. М. Машэрава[1].
Была членам Савета Рэспублікі Нацыянальнага сходу Беларусі 7-га склікання[1].
Узнагароды
[правіць | правіць зыходнік]Удастоена ганаровых званняў «Заслужаны работнік адукацыі Рэспублікі Беларусь», «Чалавек года Віцебшчыны». Узнагароджана медалём «За працоўныя заслугі», ганаровай граматай Нацыянальнага сходу Беларусі, нагруднымі знакамі «Выдатнік адукацыі Рэспублікі Беларусь» і «За заслугі перад Полацкам»[1].