Товада

Товада
Товада
	十和田湖
Морфаметрыя
Вышыня над узроўнем мора	400 м
Плошча	61,1 км²
Аб’ём	4,19 км³
Даўжыня берагавой лініі	46 км
Найбольшая глыбіня	327 м
Сярэдняя глыбіня	71 м
Басейн
Выцякаюць	Аірасэ
Размяшчэнне
Краіна	Японія
	; Товада
	Медыяфайлы на Вікісховішчы

Товада (яп.: 十和田湖 Товада-ко) — самае буйное кратарнае возера на востраве Хонсю, Японія. Размешчана на вышыні 400 м над узроўнем мора ў нацыянальным парку на мяжы прэфектур Аомары і Акіта. Сценкі кальдэры дасягаюць у некаторых месцах вышыні 1 000 м і дасягаюць вяршыні на вулкане Товада на вышыні 1 159 м. Ярка сіні колер возера з’яўляецца вынікам чыстай вады і вялікай глыбіні возера (326,8 м — трэцяе па глыбіні возера Японіі). Бачнасць складае 15 м. Плошча возера — 61,0 км², яго аб’ём складае 4,19 км³, а перыметр — 46 км. З возера выцякае рака Аірасэ.

Возера штогод наведвае каля 3 мільёнаў турыстаў. Яно прыдатна для купання і з’яўляецца ўпадабаным месцам адпачынку падарожнікаў. Тут маюцца шматлікія гатэлі і пансіянаты. Познім летам тут праходзіць агульнае свята трох прэфектур Кунідзанкай-мацуры. Па возеры курсуюць некалькі разоў у дзень паромы і прагулачныя катары.