Тонеж

Аграгарадок Тонеж Краіна Беларусь Вобласць Гомельская Раён Лельчыцкі Сельсавет Тонежскі Каардынаты 51°49′41″ пн. ш. 27°47′43″ у. д. Першая згадка XVI стагоддзе Насельніцтва ▼566 чал. (2009) Часавы пояс UTC+3 Тэлефонны код 2356 Паштовыя індэксы 247855 Аўтамабільны код 3 Тонеж Тонеж

Тонеж на Вікісховішчы

То́неж (трансліт.: Toniež, руск.: Тонеж) — аграгарадок у Лельчыцкім раёне Гомельскай вобласці. Уваходзіць у склад Тонежскага сельсавета.

Размешчана за 9 км на паўднёвы захад ад шашы Р128, за 46 км на захад ад горада Лельчыцы, за 58 км ад чыгуначнай станцыі Жыткавічы, за 36 км ад прыстані Тураў на рацэ Прыпяць. У складзе камунальнага сельгаспрадпрыемства «Іванава Слабада».

Гісторыя

Тонеж вядомы з 1622 года як сяло.

У XVII—XVIII стагоддзях вёска ў складзе Вялікага Княства Літоўскага. З 1793 года — у складзе Расійскай імперыі.

3 20 жніўня 1924 года цэнтр сельсавета.

У студзені 1943 года гітлераўскія захопнікі спалілі ўсю вёску і загубілі 262 жыхары. Ахвяры нацызму ўвекавечаны ў мемарыяльным комплексе Хатынь.

Насельніцтва

• 1838 год — 37 двароў, 300 жыхароў.
• 1886 год — 57 двароў, 400 жыхароў.
• 1909 год — 177 двароў, каля 1060 жыхароў.
• 1917 год — 215 двароў, 1269 жыхароў.
• 1923 год — 1300 жыхароў.
• 1940 год — 375 двароў, 1350 жыхароў.
• 1998 год — 394 двары, 904 жыхары.
• 2000 год — 377 двароў, 800 жыхароў.
• 2002 год — 362 двароў, 789 жыхароў.

Інфраструктура

Лясніцтва, лесапілка, механічныя майстэрні. Сярэдняя школа, філіял Лельчыцкай школы мастацтваў, Дом культуры, бібліятэка, дзіцячы сад, амбулаторыя, аптэка, комплексна-прыёмны пункт бытавога абслугоўвання, аддзяленне сувязі, аўтаматычная тэлефонная станцыя.

Памятныя мясціны

• Брацкая магіла савецкіх воінаў і партызан. У 1944 годзе на магіле пастаўлены абеліск.
• Магіла ахвяр фашызму. У 1965 годзе на магіле пастаўлены абеліск.
• Помнік землякам. У 1967 годзе пастаўлены помнік.

Страчаная спадчына

• Царква

Вядомыя асобы

Радзіма братоў — вучонага У. П. Дрынеўскага і беларускага харавога дырыжора М. П. Дрынеўскага.

• Віктар Рыгоравіч Дарашэвіч (1976—2017) — беларускі ветэрынар і дзяржаўны дзеяч.
• Якаў Сямёнавіч Райхман (нар. 1926) — беларускі інжынер-будаўнік.

Гл. таксама

• Тонежскае радовішча бурага вугалю

Літаратура

• То́неж // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 488. — 10 000 экз. — ISBN 985-11-0035-8. — ISBN 985-11-0251-2 (т. 15).
• Памяць: Гіст.-дакум. хроніка Лельчыцкага раёна. — Мн.: Паліграфафармленне, 2002. — 606 с.: іл.

Спасылкі

• На Вікісховішчы ёсць медыяфайлы па тэме Тонеж
• Тонеж