Трохвугольнік (музычны інструмент)

З Вікіпедыі, свабоднай энцыклапедыі
Трохвугольнік
выява
Класіфікацыя Ударны інструмент, Ідыяфон
Гучанне інструмента Гук  Музычны ўрывак
Лагатып Вікісховішча Трохвугольнік на вікісховішчы

Трохвугольнік — ударны музычны інструмент у выглядзе металічнага прута (звычайна са сталі або алюмінія), выгнутага ў форме трохвугольніка. Адзін з вуглоў пакінуты адкрытым (канцы дубца амаль дакранаюцца).

Трохвугольнік належыць да інструментаў з нявызначанай вышынёй гуку, мае бліскучы і яркі тэмбр, здольны ўпрыгожыць нават магутнае аркестравае tutti. Як правіла, яму даручаюцца нескладаныя рытмічныя фігуры і трэмала. Трохвугольнік падвешваецца за адзін з вуглоў на тонкім дроце або тасьме, якую трымаюць у руцэ або прымацоўваюць да пюпітру. Па трохвугольніку ўдараюць металічнай (радзей драўлянай) палачкай.