Труа-Рыўер

Населены пункт
Труа-Рыўер
фр.: Trois-Rivières
Сцяг Герб
46°21′ пн. ш. 72°33′ з. д.
Краіна	Канада
Гісторыя і геаграфія
Заснаваны	4 ліпеня 1634 і 1 студзеня 2002
Вышыня цэнтра	каля 16 м
Водныя аб’екты	Рака Святога Лаўрэнція і Сен-Морыс[d]
Часавы пояс	UTC-5 і UTC-4
Насельніцтва
Насельніцтва	▲144 472 чал. (2024)
v3r.net (фр.)
Паказаць/схаваць карты
Труа-Рыўер
Медыяфайлы на Вікісховішчы

Труа́-Рыўе́р, таксама Тры-Рыверс (фр.: Trois-Rivières — Тры ракі) — пяты па велічыні горад у канадскай правінцыі Квебек. Труа-Рыўер — таксама найбуйнейшы населены пункт і сталіца гісторыка-культурнага і адміністрацыйнага рэгіёну Морысі. Насельніцтва — 126 тыс. чалавек.

Геаграфічнае становішча

Труа-Рыўер мае важнае стратэгічнае значэнне для правінцыі Квебек. Ён размешчаны на паўночным беразе ракі Святога Лаўрэнція. Галоўны транзітны пункт, размешчаны паміж найбуйнейшым мегаполісам Квебека — горадам Манрэаль і сталіцай правінцыі — Квебекам. На паўднёвым беразе ракі размяшчаецца горад Беканкур.

Гісторыя

На працягу доўгага часу на тэрыторыі сучаснага горада жылі індзейцы плямёнаў алганкіны і абенакі. Французскі даследчык Жак Карцье апісаў месца падчас свайго другога падарожжа ў Новы Свет у 1535 годзе. Назва горада, аднак, была дадзена толькі ў 1599 годзе, капітанам Франсуа Гравэ Дзю Понам, і ўпершыню стала ўжывацца пры стварэнні карт у 1601 годзе.

Дзякуючы свайму стратэгічнаму становішчу, горад меў важную ролю ў калоніі ў гандлі мехам. Пасёлак стаў рэзідэнцыяй рэгіянальнага ўрада ў 1665 годзе. Урсулінкі прыбылі ў паселішча ў 1697 годзе, стварылі ў ім першую школу і дапамаглі мясцовым місіянерам звярнуць у хрысціянства мясцовых абарыгенаў і метысаў.

У 1760 годзе горад быў захоплены Вялікабрытаніяй.

Эканоміка

Труа-Рыўер з’яўляецца найстарэйшым прамысловым горадам Канады, дзякуючы стварэнню ў 1738 годзе першай у краіне ліцейні. Першая інфраструктура для порту была пабудавана ў 1818 годзе недалёка ад вуліцы Сен-Антуан, а сёння гарадскі порт апрацоўвае 2,5 млн тон грузаў штогод. Першая чыгунка была пабудавана ў 1879 годзе для падтрымкі лесапрамысловасці.

Насельніцтва

Год Колькасць 1815 2 500 1851 4 936 1881 8 670 1891 8 334 1901 9 981 1911 13 691 1921 22 367 Год Колькасць 1931 35 450 1941 42 007 1951 46 074 1961 53 477 1971 55 200 1971 55 869 1981 50 000 Год Колькасць 1981 50 466 1996 49 820 2001 119 030 2006 126 323 2011 131 338 2016 134 413 2019 138 134 Год Колькасць 2020 139 618 2021 139 163 2022 142 598 2024 144 472

Гарады-пабрацімы

•  Тур, Францыя (1973)
•  Цзіньчжоу^[d], Кітай (9 ліпеня 1999)
•  Шатадзён^[d], Францыя (12 ліпеня 1971)

Літаратура

• Труа́-Рыўе́р, Тры-Рыверс // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 521. — 552 с. — 10 000 экз. — ISBN 985-11-0035-8. — ISBN 985-11-0251-2 (т. 15).
• Труа́-Ривье́р // Т. 26. Тихоходки — Ульяново. — М. : Советская энциклопедия, 1977. — С. 256. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Труа́-Ривье́р, Три-Риверс // Географический энциклопедический словарь: Географические названия (руск.) / Гл. ред. А. Ф. Трёшников; Ред. кол.: Э. Б. Алаев, П. М. Алампиев (зам. гл. ред.) и др. — 2-е изд., исправл. и дополн. — М.: Советская энциклопедия, 1989. — С. 487. — 592 с. — 210 000 экз. — ISBN 5-85270-057-6.