Перайсці да зместу

Тупалеў Ту-22М

Неправераная
З Вікіпедыі, свабоднай энцыклапедыі
Тупалеў Ту-22М
Тып land-based strategic jet bomber[d], звышгукавы самалёт[d] і Ракетаносец[d]
Распрацоўшчык КБ Тупалева
Вытворца Тупалеў[d] і Казанская авіяцыйнае вытворчае аб’яднанне імя С. П. Гарбунова[d]
Галоўны канструктар Д.С. Маркаў
Першы палёт 30 жніўня 1969
Пачатак эксплуатацыі 1976[1]
Статус у эксплуатацыі (Ту-22М3)
Эксплуатанты Ваенна-паветраныя сілы СССР, Ваенна-паветраныя сілы Расійскай Федэрацыі, Ваенна-паветраныя сілы Індыі[d], Паветраныя сілы Украіны[d] і Паветрана-касмічныя сілы Расійскай Федэрацыі
Адзінак выраблена 497
Базавая мадэль Ту-22
Лагатып Вікісховішча Медыяфайлы на Вікісховішчы

Тупалеў Ту-22М (па класіфікацыі НАТА — Backfire) — савецкі далёкі звышгукавы бамбардзіроўшчык/разведчык са зменнай геаметрыяй крылаў. Быў распрацаваны з апорай на мадэль Ту-22.

Гісторыя

[правіць | правіць зыходнік]

Да сярэдзіны 1960-х гадоў тэндэнцыі ў галіне баявога прымянення далёкай авіяцыі абазначылі нізкую эфектыўнасць аднарэжымных звышгукавых самалётаў. Неабходна было ствараць самалёты здольныя выконваць баявыя задачы ў шырокім спектры вышынь і хуткасцяў. Гэтыя мэты маглі быць дасягнуты, у першую чаргу, выкарыстаннем крыла са змяняльнай (у палёце) стрэлападобнасцю.

Працы над праектам далёкага ўдарнага самалёта пачаліся ў ВКБ Тупалева ў 1965 годзе на падставе сумеснага рашэння ВПС ад 24.08.1965 года: «аб стварэнні сістэмы К-145 з самалётам-носьбітам Ту-145 з рухавікамі НК-144». Даследна-канструктарскія і навукова-даследчыя работы па дадзенай тэме праходзілі ў рамках мадыфікацыі самалёта Ту-22 за кошт устаноўкі новых рухавікоў і крыла змяняльнай геаметрыі, пры гэтым планавалася дасягнуць паляпшэння ТТХ самалёта.

Мадыфікацыі

[правіць | правіць зыходнік]

Ту-22М0

[правіць | правіць зыходнік]

Увосень 1967 года па выніках макетнай камісіі і матэрыялам эскізнага праекту было прынята рашэнне пачаць будаўніцтва серыі самалётаў Ту-22М0 («45-00») на Казанскім авіяцыйным заводзе ім. Гарбунова (КАЗ ім. Гарбунова, да сярэдзіны 1960-х завод № 22 МАП). Галоўным канструктарам самалёта быў прызначаны Д.С. Маркаў.

Па выніках працы камісіі ўвосень 1967 года было вырашана будаваць першую серыю самалётаў «45-00» па праграме першага этапу — з абсталяваннем ад ТУ-22К і рухавікамі «ФМ».

Першы самалёт Ту-22М0 быў пабудаваны да сярэдзіны 1969 года і 30 жніўня 1969 ён здзейсніў свой першы палёт (камандзір карабля лётчык-выпрабавальнік В. П. Барысаў. Паралельна з выпрабаваннямі ў Казані ішла вытворчасць серыйных самалётаў Ту-22М0. Да канца 1972 года было пабудавана 9 Ту-22М0, пяць з якіх ужываліся для перападрыхтоўкі экіпажаў бамбардзіроўшчыкаў у Цэнтры баявой падрыхтоўкі і ўжывання Далёкай авіяцыі ў Разані. На захадзе самалёты гэтай серыі доўгі час ведалі пад службовым найменнем Ту-26.

Падчас лётных выпрабаванняў высвятлілася, што асноўныя лётныя дадзеныя новага самалёта апынуліся нават горш, чым у Ту-22К, і трэба правесці вялікі аб’ём прац па яго мадэрнізацыі. Камандаванне ВПС патрабавала ўдасканаліць лётна-тэхнічныя характарыстыкі самалёта і яго бартавое абсталяванне. У снежні 1969 года на другім этапе даводкі Ту-22М прымаецца рашэнне па мадэрнізацыі Ту-22М0 у Ту-22М1.

Асаблівасці канструкцыі

[правіць | правіць зыходнік]
ТУ-22М, схематычны выгляд

Самалёты серыі Ту-22М выкананыя па нармалёвай аэрадынамічнай схеме самаапорнага нізкаплана з крылом змяняльнай стралавіднасці. Крыло складаецца з нерухомай часткі і паваротных кансоляў.

Экспарт

[правіць | правіць зыходнік]

Станам на 2023 год ніводнага самалёта Ту-22М за мяжу прададзена не было, нягледзячы на шматлікія спробы:

  • У ліпені 1992 года вяліся перамовы з Іранам аб продажы 12 Ту-22М у экспартным варыянце. Але гэтая здзелка так і не здзейснілася.
  • У 2001 годзе на авіясалоне ў Бангалоры (Індыя) абвешчана аб намеры паставіць у лізінг 4 самалёта Ту-22М3.
  • У снежні 2004 года міністр абароны Расіі Сяргей Іваноў заявіў аб тым, што дасягнута дамоўленасць аб узаемапрымальным рашэнні па пастаўках у Індыю Ту-22М.
  • У пачатку 2013 года распаўсюдзіўся слых аб продажы 25 бамбардзіроўшчыкаў Ту-22М3 у Кітай, а таксама завадскога абсталявання для іх далейшай вытворчасці.[2]
  • У 2016 годзе пад час міжнароднай прамысловай выставы «Інапрам-2016» распаўсюдзілась навіна пра жаданне Індыі купіць 80 верталётаў Мі-17 і 4 самалёты Ту-22М3.[3]

Гл. таксама

[правіць | правіць зыходнік]

Крыніцы

[правіць | правіць зыходнік]
  1. ↑ https://web.archive.org/web/20130731182723/http://oaokapo.ru/about/history/planes/tu-22m.php
  2. ↑ topwar.ru(нявызн.). topwar.ru (студзень 2013).
  3. ↑ Неабходна задаць title= і url= для шаблона {{cite web}}. . www.business-gazeta.ru. Праверана 21 жніўня 2025.

Спасылкі

[правіць | правіць зыходнік]
Узята з "https://be.wikipedia.org/w/index.php?title=Тупалеў_Ту-22М&oldid=5026419"