Туід

Туід
англ. River Tweed, гэльск. Uisge Thuaidh
Від на раку Туід з боку вёскі Сент-Боўсвелс
Характарыстыка
Даўжыня	156 км
Басейн	3 900 км²
Вадацёк
Выток	Крыніца Туід
• Месцазнаходжанне	на ўзгорках каля вёскі Туідсмюір
• Каардынаты	55°24′50,60″ пн. ш. 3°27′38″ з. д.
Вусце	Паўночнае мора
• Месцазнаходжанне	Берык-эпон-Туід
• Вышыня	0 м
• Каардынаты	55°45′54,90″ пн. ш. 1°59′24,80″ з. д.
Размяшчэнне
Водная сістэма	Паўночнае мора
Краіна	Вялікабрытанія
Рэгіёны	Шатландыя, Англія
— выток, — вусце
Медыяфайлы на Вікісховішчы

Туід (англ.: River Tweed, шатл. гэл.: Uisge Thuaidh) — рака, якая праходзіць у памежным паміж Англіяй і Шатландыяй раёне і фарміруе адміністрацыйную граніцу паміж імі на працягу 27 км да вусця. З’яўляецца 11-й па даўжыні ракой Вялікабрытаніі. Выток ракі знаходзіцца на ўзгорках побач з вёскай Туідсмюір і недалёка ад вытокаў рэк Клайд, якая цячэ на паўночны захад, і Анан, якая цячэ на поўдзень. Існуе прымаўка, якая адлюстроўвае факт вытоку гэтых трох значных рэк з адной мясцовасці: «англ.: Annan, Tweed and Clyde rise oot the ae hillside» («Анан, Туід і Клайд пачынаюцца з гэтых узгоркаў»). Рака ўпадае ў Паўночнае мора ў горадзе Берык-эпон-Туід.

На рацэ стаяць гарады Піблс, Галашылс, Мелраўз, Келса, Колдстрым і Берык-эпон-Туід. На ёй таксама знаходзіцца сядзіба Вальтэра Скота Эбатсфард.

Туід з’яўляецца адной з найбагацейшых ласосевых рэк Вялікабрытаніі. Даліна ракі ўяўляе вялікую цікавасць з пункту гледжання гісторыі ледавіковага перыяду Вялікабрытаніі, таму што рэчышча сучаснай ракі праходзіць па дне старажытнага ледавіка апошняга ледавіковага перыяду.

• 
  Туід каля сядзібы Эбатсфард.
• 
  Туід у раёне Колдстрым.
• 
  Берык-эпон-Туід з боку вусця ракі Туід.

Спасылкі

• Апісанне даліны ракі Туід (англ.)