Браўншвайгскі тэхнічны ўніверсітэт

З Вікіпедыі, свабоднай энцыклапедыі
Браўншвайгскі тэхнічны ўніверсітэт
ням.: Technische Universität Braunschweig
Выява лагатыпа
Арыгінальная назва ням.: Technische Universität Braunschweig
Міжнародная назва англ.: Technical University of Braunschweig
Заснаваны 1745
Студэнты 20 037, 14 554[1], 13 509[1], 13 538[1], 14 166[1], 14 450[1], 13 501[1], 13 444[1], 12 854[1], 12 310[1], 12 017[1], 12 683[1], 13 379[1], 14 108[1], 15 204[1], 16 304[1], 17 194[1], 18 319[1], 19 504[1], 20 029[1], 20 116[1], 19 980[1], 19 694[1], 18 566[1] і 17 794[1]
Размяшчэнне Браўншвайг
Сайт tu-braunschweig.de
Лагатып Вікісховішча Медыяфайлы на Вікісховішчы

Браўншвайгскі тэхнічны ўніверсітэт (ням.: Technische Universität Braunschweig) — нямецкая дзяржаўная вышэйшая навучальная ўстанова са статусам універсітэта з сядзібай у горадзе Браўншвайг.

Агульная характарыстыка[правіць | правіць зыходнік]

Установа з’яўляецца сярэднім па колькасці студэнтаў універсітэтам Германіі, у якім навучаецца каля 18 500 студэнтаў па 84 праграмах навучання. Яна ўзыходзіць сваімі каранямі да Collegium Carolinum, заснаванага ў 1745 годзе, што робіць яго самым старажытным сярод тэхнічных універсітэтаў Германіі. Універсітэт з’яўляецца членам аб’яднання дзевяці вядучых тэхнічных ВНУ Германіі і звычайна ўваходзіць у шэраг найлепшых інжынерных універсітэтаў краіны.

Профіль даследаванняў універсітэта вельмі міждысцыплінарны, але з акцэнтам на аэранаўтыку, распрацоўку транспартных сродкаў, уключаючы аўтаномнае кіраванне і электрычную мабільнасць, вытворчасць, навукі аб жыцці і метралогію. Даследаванні праводзяцца ў цесным супрацоўніцтве са знешнімі арганізацыямі, такімі як Нямецкі аэракасмічны цэнтр, Цэнтр інфекцыйных даследаванняў імя Гельмгольца, некалькі навукова-даследчых інстытутаў, Нацыянальны інстытут метралогіі Германіі і многія іншыя. Будучы адным з нямногіх даследчых ВНУ падобнага тыпу ў свеце, універсітэт мае ўласны даследчы аэрапорт.

Факультэты[правіць | правіць зыходнік]

  • Факультэт імя Карла Фрыдрыха Гауса (матэматыка, інфарматыка, эканоміка, сацыяльныя навукі)
  • Факультэт навук аб жыцці (біялогія і біятэхналогіі, хімія і хімія харчовых прадуктаў, фармакалогія і псіхалогія)
  • Факультэт архітэктуры, будаўнічай інжынерыі і навук аб навакольным асяроддзі
  • Факультэт машынабудавання
  • Факультэт электратэхнікі, інфармацыйных тэхналогій і фізікі
  • Факультэт гуманітарных і педагагічных навук

Зноскі

  1. ↑ а б в г д е ё ж з і к л м н о п р с т у ф х ц ч Statistisches Bundesamt Deutschland - GENESIS-Online Праверана 8 чэрвеня 2023.

Спасылкі[правіць | правіць зыходнік]

Узята з "https://be.wikipedia.org/w/index.php?title=Браўншвайгскі_тэхнічны_ўніверсітэт&oldid=4076386"