Удар па школе ў Мінабе
| Удар па школе ў Мінабе | |
|---|---|
.jpg) | |
| Краіна | |
| У адміністрацыйнай адзінцы | |
| Месцазнаходжанне | |
| Дата | 28 лютага 2026 |
| Колькасць параненых | 95[1] |
| Колькасць загінулых | |
| Number of perpetrators | 1[4][5] |
| Злачынец | ЗША[4][5][…] і Узброеныя сілы ЗША |
  Удар па школе ў Мінабе | |
 Медыяфайлы на Вікісховішчы | |
Удар па школе для дзяўчынак у Мінабе быў нанесены 28 лютага 2026 года на фоне ізраільска-амерыканскай кампаніі супраць Ірана. Паводле іранскіх афіцыйных крыніц, пры ўдары загінулі каля 180 чалавек[6].
Ход падзей
[правіць | правіць зыходнік]Раніцай 28 лютага 2026 года ўзброеныя сілы Ізраіля і ЗША пачалі наносіць удары па Іране. Ракетны ўдар быў нанесены ў тым ліку і па горадзе Мінаб, размешчаным у правінцыі Хармазган у паўднёвай частцы краіны. Адна з ракет трапіла ў будынак школы для дзяўчынак «Шаджарэ Таебэ», у якім праходзілі заняткі. Іранскія ўлады паведамілі, што ў школе ў гэты момант знаходзілася каля 170 вучняў[7][8]. Паводле адных звестак, удар быў нанесены паміж 8 і 10 гадзін раніцы[7], па іншых — у 10:45 раніцы[9].
Пачуўшы выбухі, мясцовыя жыхары збегліся да школы і самастойна спрабавалі дастаць дзяцей з-пад завалаў. Супрацоўнікі сіл бяспекі спрабавалі адцясніць людзей, баючыся новых удараў. Неўзабаве ўлады арганізавалі выратавальныя працы, а сваякі дзяцей і супрацоўнікаў чакалі іх вынікаў паблізу[10].
Абставіны
[правіць | правіць зыходнік]Школа размешчана прыблізна ў 600 метрах ад базы Корпуса вартавых ісламскай рэвалюцыі (КВІР)[11], таксама атакаванай у той жа дзень[7][8]. Паводле спадарожнікавых здымкаў, у 2013 годзе будынак школы з’яўляўся часткай базы, але да верасня 2016 года ён быў аддзелены ад базы сцяной[12].
Ахвяры
[правіць | правіць зыходнік]Па дадзеных Міністэрства аховы здароўя Ірана, у выніку ўдару загінулі каля 180 чалавек[6]. Раненні атрымалі 96 чалавек[13]. Многія з ахвяр — дзяўчынкі ва ўзросце ад сямі да дванаццаці гадоў.[14][10]
Рэакцыя
[правіць | правіць зыходнік]Прэзідэнт Ірана Масуд Пезешкіян адзначыў, што здарэнне «ніколі не сатрэцца з гістарычнай памяці іранскага народа», назваўшы гэта варварствам. Ён выказаў спачуванні сем’ям загінулых, жыхарам Мінаба і ўсяму народу Ірана[15]. Прэс-сакратар Міністэрства аховы здароўя Ірана Хасейн Керманпур назваў паведамленне пра атаку «самай горкай навіной» на той момант, дадаўшы, што пад заваламі можа быць яшчэ больш целаў[13].
ЮНЕСКА ў сваёй заяве назвала атаку цяжкім парушэннем гуманітарнага права[16].
Прэс-сакратар Цэнтральнага камандавання ЗША заявіў, што ім «вядома аб паведамленнях аб прычыненні шкоды грамадзянскаму насельніцтву» і што камандаванне будзе «працягваць прымаць усе даступныя меры засцярогі, каб мінімізаваць рызыку ненаўмыснай шкоды»[13]. Міністр абароны ЗША Піт Хегсет заявіў, што ў дачыненні да ўдару па школе праводзіцца расследаванне[17]. Прэзідэнт ЗША Дональд Трамп бяздоказна абвінаваціў Іран ва ўдары па школе, заявіўшы, што «мы лічым, што гэта зрабілі іранцы... як вы ведаеце, іх боепрыпасы вельмі недакладныя. У іх наогул няма дакладнасці»[18].
Ізраільскія вайскоўцы паведамілі, што ім не было вядома пра ўдары ў гэтым раёне[19].
Крыніцы
[правіць | правіць зыходнік]- ↑ Guardian, The Guardian — 1999. — ISSN 1756-3224; 1354-4322; 0261-3077
- ↑ https://www.asriran.com/fa/news/1154967/%D8%AF%D8%A7%D8%AF%D8%B3%D8%AA%D8%A7%D9%86-%D9%85%DB%8C%D9%86%D8%A7%D8%A8-%D8%A2%D9%85%D8%A7%D8%B1-%D9%86%D9%87%D8%A7%DB%8C%DB%8C-%D8%B4%D9%87%D8%AF%D8%A7%DB%8C-%D8%AD%D9%85%D9%84%D9%87-%D8%A8%D9%87-%D9%85%D8%AF%D8%B1%D8%B3%D9%87-%D8%B4%D8%AC%D8%B1%D9%87-%D8%B7%DB%8C%D8%A8%D9%87-156-%D9%86%D9%81%D8%B1-%D8%A7%D8%B3%D8%AA
- ↑ Al Jazeera English — 2011.
- 1 2 https://www.cbc.ca/news/world/iran-school-bombing-investigation-9.7114994
- 1 2 https://www.npr.org/2026/03/04/nx-s1-5735801/satellite-imagery-shows-strike-that-destroyed-iranian-school-was-more-extensive-than-first-reported
- 1 2 Death toll from Israeli strike on Iran girls school rises to 180. Middle East Eye. Праверана 2 сакавіка 2026.
- 1 2 3 В первый день большой войны на Ближнем Востоке в Иране под удар США и Израиля попала школа для девочек в Минабе. Она расположена рядом с базой КСИР. Медуза. Праверана 2 сакавіка 2026.
- 1 2 Iran Says Dozens Are Killed in Strike on School. The New York Times. Праверана 2 сакавіка 2026.
- ↑ Strike on Iranian primary school kills dozens, authorities say. Financisl Times. Праверана 2 сакавіка 2026.
- 1 2 «Small Children Who Knew Nothing of Politics or Wars». Drop Site News. Праверана 2 сакавіка 2026.
- ↑ At least 153 dead after reported strike on school, Iran says (англ.). www.bbc.com (1 сакавіка 2026). Праверана 2 сакавіка 2026.
- ↑ Livni, Malachy BrowneEphrat (2026-03-01). Strike on Girls' School Kills at Least 175, Iranian State Media Says. The New York Times [амерыканская англійская]. 0362-4331. Праверана 2026-03-02.
- 1 2 3 Death toll from school bombing in southern Iran reportedly rises to 165. The Guardian. Праверана 2 сакавіка 2026.
- ↑ US and Israeli attack on Iran: At least 153 girls killed in strike on school. Middle East Eye. Праверана 2 сакавіка 2026.
- ↑ Пезешкиан назвал варварством удар США и Израиля по школе в Минабе. Вестник Кавказа. Праверана 2 сакавіка 2026.
- ↑ Смертоносный взрыв начальной школы в Иране «тяжкое нарушение гуманитарного права»: ЮНЕСКО. ЮНЕСКО. Праверана 2 сакавіка 2026.
- ↑ Хегсет заявил о расследовании удара по начальной школе в Иране (руск.). РБК (4 сакавіка 2026). Праверана 4 сакавіка 2026.
- ↑ Трамп обвинил Тегеран в ударе по иранской школе для девочек в первый день войны (руск.). Meduza (8 сакавіка 2026). Архівавана з першакрыніцы 3 сакавіка 2026. Праверана 8 сакавіка 2026.
- ↑ Schneid, Rebecca. More Than 100 Reported Killed in Strike on Girls’ School in Iran (англ.). TIME (1 сакавіка 2026). Праверана 2 сакавіка 2026.