Удзельнік:Kresy67/Смаленская Рэспубліка

Смаленская Рэспубліка — рух за незалежнасць Смаленшчыны, накіраваны на аддзяленне Смаленскай вобласці ад Расійскай Федэрацыі і стварэнне самастойнай дэмакратычнай дзяржавы, арыентаванай на супрацоўніцтва з Беларуссю, Літвой, Польшчай і Украінай у рамках канцэпцыі Междумор’я.

Гісторыя

Ідэя незалежнасці Смаленшчыны была вылучана ўлетку 2023 года дэпутатам Смаленскай абласной думы Уладзіславам Жывіцам, які пакінуў Расію. Ён абвясціў аб стварэнні палітычнай арганізацыі — Смаленскага Рэспубліканскага Цэнтра, мэтай якой стала аднаўленне гістарычнай самастойнасці рэгіёна і яго культурна-палітычная рэінтэграцыя ў усходнееўрапейскую прастору.

У снежні 2023 года цэнтр апублікаваў дэкларацыю аб мэтах руху.

21 сакавіка 2024 года ў Беларускім доме ў Варшаве адбылася прэзентацыя праекта Канстытуцыі Смаленскай Рэспублікі, распрацаванага прадстаўнікамі арганізацыі і абмеркаванага з удзелам беларускіх дзеячаў, у тым ліку Зянона Пазьняка, лідара Беларускага Народнага Фронту.

Сучаснае становішча

На 2025 год рух дзейнічае ў эміграцыі, галоўным чынам у Польшчы. Яго актывісты вядуць інфармацыйную і культурную дзейнасць, супрацоўнічаюць з беларускімі, украінскімі і польскімі структурамі, а таксама з даследчыкамі гісторыі і ідэнтычнасці Смаленскага краю.

Смаленская Рэспубліка разглядаецца прыхільнікамі руху як сімвал будучай незалежнай Смаленшчыны — дзяржавы, заснаванай на прынцыпах свабоды, дэмакратыі і еўрапейскага выбару.

Сімволіка

Сімволіка Смаленскай Рэспублікі ўяўляе сабой бела-чырвона-белае палатно (аналагічна дзяржаўнаму сцягу Беларусі з 1991 года), на якім у цэнтры размешчаны шчыт з двума львамі ў бела-чырвоных колерах.

Сцяг і герб адлюстроўваюць гістарычную і культурную спадчыннасць рэгіёна, а таксама сувязь з еўрапейскімі традыцыямі.

Прадстаўнікі

Згодна з афіцыйнай інфармацыяй, апублікаванай SMOLRESCENTR 29 лістапада 2024 года, у кіраўніцтва руху ўваходзяць:

• Уладзіслаў Жывіца — дэпутат Смаленскай абласной думы (у эміграцыі), ініцыятар праекта;
• Ян Рудзік — журналіст, блогер, дэлегат Каардынацыйнай рады Беларусі;
• Аляксей Бараноўскі — праваабаронца, адвакат, журналіст;
• Вадзім Сідораў — публіцыст, кандыдат юрыдычных навук, спецыяліст па этнапалітыцы;
• Сяргей Фралоў — гісторык, даследчык, аўтар ініцыятывы па ўз’яднанні Шумяцкага раёна з Беларуссю.

Ідэалогія і мэты

Рух за незалежнасць Смаленшчыны абвяшчае наступныя мэты:

• выхад Смаленскай вобласці са складу Расійскай Федэрацыі;
• стварэнне парламенцкай дэмакратычнай рэспублікі;
• удзел у інтэграцыйным праекце краін Междумор’я;
• умацаванне культурных і гістарычных сувязей з краінамі Цэнтральна-Ўсходняй Еўропы;
• фарміраванне грамадзянскай ідэнтычнасці Смаленшчыны як асобнага еўрапейскага рэгіёна.

Крыніцы

[[Катэгорыя:Смаленская вобласць]]