Перайсці да зместу

Уладзімір Аляксеевіч Гольмак

З Вікіпедыі, свабоднай энцыклапедыі
Футбол
Уладзімір Гольмак
Агульная інфармацыя
Поўнае імя Уладзімір Аляксеевіч Гольмак
Нарадзіўся 11 кастрычніка 1966(1966-10-11)[1] (57 гадоў)
Грамадзянства  Беларусь
Пазіцыя абаронца
Інфармацыя пра клуб
Клуб Беларусь Макслайн
Пасада трэнер
Клубная кар’ера[* 1]
1987—1993 Саюз Савецкіх Сацыялістычных РэспублікБеларусь Дняпро (Магілёў) 217 (7)
1994—1995 Беларусь Шыннік (Бабруйск) 34 (5)
1995—1997 Беларусь МПКЦ (Мазыр) 48 (11)
1997—1999 Беларусь Тарпеда-МАЗ (Мінск) 70 (4)
Трэнерская кар’ера
2002—2003 Беларусь Лакаматыў (Мінск) трэнер
2004 Беларусь Лакаматыў (Мінск)
2005 Беларусь Камунальнік (Слонім)
2006—2007 Беларусь Гомель трэнер
2006—2007 Беларусь Гомель в. а.
2007—2009 Беларусь Дынама (Мінск) дубль
2009—2010 Беларусь Дынама (Мінск) трэнер
2010 Беларусь Дынама (Мінск)
2011 Беларусь СКВІЧ (Мінск)
2012 Беларусь Нёман (Гродна) функцыянер
2013 Беларусь СКВІЧ (Мінск)
2013—2014 Беларусь Нафтан (Наваполацк) трэнер
2014—2015 Беларусь Гомель
2016 Беларусь Зорка-БДУ (Мінск) трэнер
2017 Беларусь Белшына (Бабруйск)
2017—2018 Беларусь ЮАС (Жыткавічы)
2019 Беларусь Нафтан (Наваполацк) трэнер
2023 Беларусь Шахцёр (Салігорск) дубль
2024— Беларусь Макслайн (Віцебск) трэнер
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.

Уладзімір Гольмак (нар. 11 кастрычніка 1966, Бабруйск) — беларускі футбаліст (абаронца) і трэнер. У цяперашні час працуе трэнерам у віцебскім «Макслайне».

Клубная кар’ера

[правіць | правіць зыходнік]

Пачынаў кар’еру ў складзе магілёўскага «Дняпра», пазней гуляў за бабруйскі «Шыннік». У 1996 годзе разам з мазырскім МПКЦ стаў чэмпіёнам краіны. Завяршыў кар’еру ў 1999 годзе ў складзе мінскага «Тарпеда».

Трэнерская кар’ера

[правіць | правіць зыходнік]

З 2002 года працаваў памочнікам галоўнага трэнера мінскага «Лакаматыва» Анатоля Юрэвіча. У 2004 годзе сам узначаліў гэтую каманду і дапамог ёй атрымаць перамогу ў Першай лізе. З лета 2005 года працаваў у слонімскім «Камунальніку», а ў 2006 годзе папоўніў трэнерскі штаб «Гомеля». Некаторы час выконваў абавязкі галоўнага трэнера гомельскага клуба.

У снежні 2007 года перайшоў на працу ў мінскае «Дынама». Спачатку быў галоўным трэнерам дубля, а ў 2009 годзе стаў асістэнтам галоўнага трэнера Сяргея Гурэнкі. У маі 2010 года, пасля адстаўкі Гурэнкі, стаў галоўным трэнерам клуба. Разам з «Дынама» дайшоў да стадыі плэй-оф Лігі Еўропы 2010/11, але ў чэмпіянаце 2010 мінчане засталіся без медалёў.

У снежні 2010 года перайшоў з «Дынама» на месца галоўнага трэнера СКВІЧа. У 2012 годзе працаваў у гродзенскім «Нёмане». У сакавіку 2013 года зноў узначаліў СКВІЧ, галоўным трэнерам якога заставаўся да восені 2013, калі прыняў прапанову ўвайсці ў трэнерскі штаб наваполацкага «Нафтана».

У маі 2014 года пасля адстаўкі Аляксея Мяркулава быў прызначаны галоўным трэнерам «Гомеля». Здолеў вывесці гамяльчан у лік першых шасці каманд пасля першага этапу чэмпіянату 2014, але ў другім этапе каманда стала выступаць значна горш і ў выніку заняла шосты выніковы радок.

У снежні 2014 года стала вядома, што Гольмак застанецца галоўным трэнерам «Гомеля» ў сезоне 2015[2]. З-за цяжкага фінансавага становішча каманду пакінулі ўсе асноўныя ігракі, з-за чаго Гольмак быў вымушаны зрабіць стаўку на ўласных выхаванцаў. Аднак, пасля нядрэннага пачатку сезона справы ў каманды пайшлі горш, і ў другой палове чэмпіянату «Гомель» апынуўся на апошнім радку. Перад апошнім турам чэмпіянату (па выніках якога «Гомель» вылецеў з Вышэйшай лігі) Гольмак быў адпраўлены ў адстаўку[3].

У сезоне 2016 працаваў у трэнерскім штабе «Зоркі-БДУ», а ў студзені 2017 года быў прызначаны галоўным трэнерам «Белшыны»[4]. Перад камандай стаяла задача вярнуцца ў Вышэйшую лігу, аднак пасля паспяховага старту «Белшына» стала атрымліваць паражэнні, і ў чэрвені 2017 года Гольмак пакінуў бабруйскі клуб[5].

У лістападзе 2017 года стала вядома аб прызначэнні Гольмака на пасаду галоўнага трэнера жыткавіцкага ЮАС[6]. Пакінуў жыткавіцкі клуб у ліпені 2018 года[7].

У студзені 2019 года стаў трэнерам у наваполацкім «Нафтане»[8]. У снежні 2019 года стала вядома, што Гольмак перайшоў на працу ў юнацкія каманды салігорскага «Шахцёра»[9]. У студзені 2023 года ўзначаліў дубль салігорскага клуба[10].

У красавіку 2024 года ўвайшоў у трэнерскі штаб віцебскага «Макслайна»[11].

У студзені 2015 года атрымаў трэнерскую ліцэнзію катэгорыі PRO[12].

Дасягненні

[правіць | правіць зыходнік]

Ігравыя

[правіць | правіць зыходнік]

Трэнерскія

[правіць | правіць зыходнік]

Крыніцы

[правіць | правіць зыходнік]
  1. ↑ Vladimir Golmak // Transfermarkt — 2000. Праверана 9 кастрычніка 2017.
  2. ↑ Владимир Гольмак продолжит работу в "Гомеле" (руск.). football.by (1 снежня 2014). Праверана 9 красавіка 2024.
  3. ↑ Владимир Гольмак отправлен в отставку с поста главного тренера "Гомеля" (руск.). football.by (4 лістапада 2015). Праверана 9 красавіка 2024.
  4. ↑ "Белшину" возглавил Владимир Гольмак (руск.). football.by (17 студзеня 2017). Праверана 9 красавіка 2024.
  5. ↑ В "Белшине" смена главного тренера (руск.). football.by (21 чэрвеня 2017). Праверана 9 красавіка 2024.
  6. ↑ Владимир Гольмак стал главным тренером ЮАС (руск.). football.by (28 лістапада 2017). Праверана 9 красавіка 2024.
  7. ↑ Гольмак покинул пост главного тренера «ЮАС» (руск.). by.tribuna.com.
  8. ↑ Украинский специалист возглавил "Нафтан" (руск.). football.by (28 студзеня 2019). Праверана 9 красавіка 2024.
  9. ↑ Владимир Гольмак будет работать в "Шахтере" (руск.). football.by (4 снежня 2019). Праверана 9 красавіка 2024.
  10. ↑ Гольмак возглавил дубль "Шахтера" (руск.). football.by (16 студзеня 2023). Праверана 9 красавіка 2024.
  11. ↑ "Орша" Булыги и Тамело, "Барановичи" Высоцкого, "Макслайн" Гольмака (руск.). football.by (5 красавіка 2024). Праверана 9 красавіка 2024.
  12. ↑ Ермакович, Гольмак, Солодовников, Пышник и еще 15 белорусских специалистов сдали экзамен на категорию PRO (руск.). by.tribuna.com.
Узята з "https://be.wikipedia.org/w/index.php?title=Уладзімір_Аляксеевіч_Гольмак&oldid=4710579"