Уладзімір Аляксеевіч Гольмак

З пляцоўкі Вікіпедыя
Jump to navigation Jump to search
Футбол
Уладзімір Гольмак
Vladimir Golmak.png
Агульная інфармацыя
Поўнае імя Уладзімір Аляксеевіч Гольмак
Нарадзіўся 11 кастрычніка 1966(1966-10-11)[1] (52 гады)
Грамадзянства Сцяг Беларусі Беларусь
Пазіцыя абаронца
Інфармацыя пра клуб
Клуб Сцяг Беларусі Нафтан
Пасада трэнер
Кар’ера
Клубная кар’ера*
1987 — 1993 Сцяг СССР/Сцяг Беларусі (1991-1995) Дняпро (Магілёў) 217 (7)
1994 — 1995 Сцяг Беларусі (1991-1995) Шыннік (Бабруйск) 34 (5)
1995 — 1997 Сцяг Беларусі МПКЦ (Мазыр) 48 (11)
1997 — 1999 Сцяг Беларусі Тарпеда-МАЗ (Мінск) 70 (4)
Трэнерская кар’ера
2002 — 2003 Сцяг Беларусі Лакаматыў (Мінск) трэнер
2004 Сцяг Беларусі Лакаматыў (Мінск)
2005 Сцяг Беларусі Камунальнік (Слонім)
2006 — 2007 Сцяг Беларусі Гомель трэнер
2006 — 2007 Сцяг Беларусі Гомель в.а
2007 — 2009 Сцяг Беларусі Дынама (Мінск) дубль
2009 — 2010 Сцяг Беларусі Дынама (Мінск) трэнер
2010 Сцяг Беларусі Дынама (Мінск)
2011 Сцяг Беларусі СКВІЧ (Мінск)
2012 Сцяг Беларусі Нёман (Гродна) функцыянер
2013 Сцяг Беларусі СКВІЧ (Мінск)
2013 — 2014 Сцяг Беларусі Нафтан (Наваполацк) трэнер
2014 — 2015 Сцяг Беларусі Гомель
2016 Сцяг Беларусі Зорка-БДУ (Мінск) трэнер
2017 Сцяг Беларусі Белшына (Бабруйск)
2017 — 2018 Сцяг Беларусі ЮАС (Жыткавічы)
2019 — Сцяг Беларусі Нафтан (Наваполацк) трэнер

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў


Уладзімір Гольмак (нар. 11 кастрычніка 1966, Бабруйск) — былы беларускі футбаліст (гуляў на пазіцыі абаронцы), а потым трэнер. У цяперашні час працуе трэнерам у наваполацкім «Нафтане».

Кар’ера[правіць | правіць зыходнік]

Ігравая[правіць | правіць зыходнік]

Пачынаў кар’еру ў складзе магілёўскага «Дняпро», пазней гуляў за бабруйскі «Шыннік». У 1996 годзе разам з мазырскім МПКЦ стаў чэмпіёнам краіны. Скончыў кар’еру ў 1999 годзе ў складзе мінскага «Тарпеда».

Трэнерская[правіць | правіць зыходнік]

З 2002 года працаваў памочнікам галоўнага трэнера мінскага «Лакаматыва» Анатоля Юрэвіча. У 2004 годзе сам узначаліў гэтую каманду і дапамог ёй атрымаць перамогу ў Першай лізе. З лета 2005 годп працаваў у слонімскім «Камунальніку», а ў 2006 годзе папоўніў трэнерскі штаб «Гомеля». Некаторы час выконваў абавязкі галоўнага трэнера гомельскага клуба.

У снежні 2007 года перайшоў на працу ў мінскае «Дынама». Спачатку быў галоўным трэнерам дубля, а ў 2009 годзе стаў асістэнтам галоўнага трэнера Сяргея Гурэнкі. У маі 2010 года, пасля адстаўкі Гурэнкі, стаў галоўным трэнерам клуба. Разам з «Дынама» дайшоў да стадыі плэй-оф Лігі Еўропы 2010/11, але ў чэмпіянаце 2010 мінчане засталіся без медалёў.

У снежні 2010 года перайшоў з «Дынама» на месца галоўнага трэнера СКВІЧа. У 2012 годзе працаваў у гродзенскім «Нёмане». У сакавіку 2013 года зноў узначаліў СКВІЧ, галоўным трэнерам якога заставаўся да восені 2013, калі прыняў прапанову ўвайсці ў трэнерскі штаб наваполацкага «Нафтана».

У маі 2014 года пасля адстаўкі Аляксея Мяркулава быў прызначаны галоўным трэнерам «Гомеля». Здолеў вывесці гамяльчан у лік першых шасці каманд пасля першага этапу чэмпіянату 2014, але ў другім этапе каманда стала выступаць значна горш і ў выніку заняла шосты выніковы радок.

У снежні 2014 года стала вядома, што Гольмак застанецца галоўным трэнерам «Гомеля» ў сезоне 2015[2]. З-за цяжкага фінансавага становішча каманду пакінулі ўсе асноўныя ігракі, з-за чаго Гольмак быў вымушаны зрабіць стаўку на ўласных выхаванцаў. Аднак, пасля нядрэннага пачатку сезону справы ў каманды пайшлі горш, і ў другой палове чэмпіянату «Гомель» апынуўся на апошнім радку. Перад апошнім турам чэмпіянату (па выніках якога «Гомель» вылецеў з Вышэйшай лігі) Гольмак быў адпраўлены ў адстаўку[3].

У сезоне 2016 працаваў у трэнерскім штабе «Зоркі-БДУ», а ў студзені 2017 года быў прызначаны галоўным трэнерам «Белшыны»[4]. Перад камандай стаяла задача вярнуцца ў Вышэйшую лігу, аднак пасля паспяховага старту «Белшына» стала атрымліваць паражэнні, і ў чэрвені 2017 года Гольмак пакінуў бабруйскі клуб[5].

У лістападзе 2017 года стала вядома аб прызначэнні Гольмака на пасаду галоўнага трэнера жыткавіцкага ЮАС[6]. Пакінуў жыткавіцкі клуб у ліпені 2018 года[7].

У студзені 2019 года стаў трэнерам у наваполацкім «Нафтане»[8].

У студзені 2015 года атрымаў трэнерскую ліцэнзію катэгорыі PRO[9].

Дасягненні[правіць | правіць зыходнік]

Ігравыя[правіць | правіць зыходнік]

Трэнерскія[правіць | правіць зыходнік]

Зноскі

Спасылкі[правіць | правіць зыходнік]