Уладзімір Ануфрыевіч Канаваленка

Уладзімір Ануфрыевіч Канаваленка
Дата нараджэння	22 красавіка 1917(1917-04-22)
Месца нараджэння	Скрэбні, Віцебскі павет, Віцебская губерня, Расійская імперыя
Дата смерці	22 сакавіка 1944(1944-03-22) (26 гадоў)
Месца смерці	Жмерынскі раён, Вінніцкая вобласць, УССР, СССР
Месца пахавання	Жмэрынка
Грамадзянства	СССР
Прыналежнасць	СССР
Род войскаў	пяхота
Гады службы	1937—1944
Званне	гвардыі Маёр
Камандаваў	203-і гвардейскі стралковы полк
Бітвы/войны	Савецка-фінляндская вайна, 1939—1940 Вялікая Айчынная вайна
Узнагароды і званні

Уладзі́мір Ану́фрыевіч Канава́ленка (22 красавіка 1917—22 сакавіка 1944) — удзельнік савецка-фінляндскай вайны 1939—1940 і Вялікай Айчыннай вайны, камандзір 203-га гвардзейскага стралковага палка 70-й гвардзейскай стрелковай дывізіі 13-й арміі Центрального фронту, гвардыі маёр. Герой Савецкага Саюза (1943).

Біяграфія

У. А. Канаваленка нарадзіўся ў вёсцы Скрэбні Віцебскага павета (сучасны Віцебскі раён Віцебскай вобласці). У Чырвонай Арміі з 1937 года. У 1941 годзе Сухумскае ваенна-пяхотнае вучылішча. У дзеючай арміі падчас Вялікай Айчыннай вайны са студзеня 1942 г. Удзельнік Сталінградскай і Курскай бітваў.

Вызначыўся ў 1943 годзе ў баях за вызваленне Чарнігаўшчыны і Палесся. Полк пад камандаваннем гвардыі маёра У. А. Канаваленкі першым фарсіраваў раку Сейм, авалодаў чыгуначнай станцыяй Бахмач (Чарнігаўская вобласць), фарсіраваў рэкі Дзясну, Дняпро і Прыпяць. 23 верасня 1943 года полк адбіў 8 контратак праціўніка, знішчыў шмат яго жывой сілы і тэхнікі.

У. А. Канаваленка быў цяжка паранены ў баі каля горада Жмерынка (Вінніцкая вобласць) і памёр ад ран 22 сакавіка 1944 г. Пахаваны ў горадзе Жмерынка ў брацкай магіле.

Узнагароды

• Медаль «Залатая Зорка» (№ 1822)
• Ордэн Леніна
• Ордэн Чырвонага Сцяга
• Ордэн Суворава 3 ступені
• Ордэн Аляксандра Неўскага
• 2 ордэны Чырвонай Зоркі
• медалі.

Памяць

• Мемарыяльная дошка ў аграгарадку Замасточча Віцебскага раёна (1964).
• Імем Героя названа школа ў Замасточчы.

Літаратура

• Беларуская энцыклапедыя: У 18 т. Т.7: Застаўка — Кантата / Рэдкал.: Г. П. Пашкоў і інш. — Мн.: БелЭн, 1998. — Т. 7. — 608 с. — 10 000 экз. — ISBN 985-11-0130-3.
• Навечно в сердце народном: Справочник / Главный ред. И. П. Шамякин. — 3-е изд., испр. и доп. — Мн.: БелСЭ, 1984. — 607 с. — 65 000 экз. (руск.)

Спасылкі

Уладзімір Ануфрыевіч Канаваленка на сайце «Героі краіны»

• Коноваленко Владимир Ануфриевич(недаступная спасылка) (руск.)