Уладзімір Васільевіч Гарбачоў

Уладзімір Гарбачоў
Уладзімір Васільевіч Гарбачоў
Дата нараджэння	10 студзеня 1926(1926-01-10)
Месца нараджэння	Талачын, Талачынскі раён, Аршанская акруга, БССР, СССР
Дата смерці	5 кастрычніка 2016(2016-10-05) (90 гадоў)
Месца смерці	Мінск, Беларусь
Грамадзянства	Беларусь  СССР
Род дзейнасці	навуковец, урач, галоўны ўрач, медыцынскі адміністратар
Навуковая сфера	кардыялогія
Месца працы	БДМУ ІПКіПКАЗ
Навуковая ступень	доктар медыцынскіх навук (1970)
Навуковае званне	прафесар
Альма-матар	Віцебскі медыцынскі інстытут (1952)
Партыя	Камуністычная партыя Савецкага Саюза
Узнагароды	Заслужаны дзеяч навукі Рэспублікі Беларусь (1991)

Уладзімір Васільевіч Гарбачоў (10 студзеня 1926, Талачын — 5 кастрычніка 2016) — беларускі кардыёлаг. Кандыдат медыцынскіх навук (1961), доктар медыцынскіх навук (1970), прафесар (1972).

Біяграфія

Нарадзіўся 10 студзеня 1926 года ў Талачыне. Потым пераехаў у Мінск, скончыў васьмігодку.

24 чэрвеня 1943 года ў час бамбёжкі пакінуў Мінск і накіраваўся на Лепельшчыну, у вёску Аношкі. Тут ён стаў партызанам чашніцкай брыгады «Дубава», а з ліпеня 1943 года — лепельскай брыгады імя I. В. Сталіна.

У 1952 годзе скончыў Віцебскі медыцынскі інстытут. У тым жа годзе стаў членам КПСС.

У 1952—1954 гадах працаваў у Полацку, з 1954 года па 1958 год — у Талачыне (галоўны ўрач раённай санэпідэмстанцыі, загадчык раённага аддзела аховы здароўя, галоўны ўрач раённай бальніцы), з 1958 года — у Мінскім медыцынскім інстытуце.

У 1970 годзе абараніў доктарскую дысертацыю, яму прысвоена званне прафесара (1972).

3 1970 года — загадчык кафедры тэрапіі ў Беларускім інстытуце ўдасканалення ўрачоў, адначасова (1973—1984) прарэктар па навуковай рабоце.

Узнагароды

• Заслужаны дзеяч навукі Беларусі (1991)
• ордэн Айчыннай вайны ІІ ступені
• медаль «Партызану Вялікай Айчыннай вайны» II ступені

Навуковая дзейнасць

Асноўнае месца ў навуковай дзейнасці займаюць працы па даследаванні патагенезу, лячэнні каранарнага атэрасклерозу і ішэмічнай хваробы сэрца.

Аўтар больш за 250 навуковых прац, у тым ліку манаграфій: «Цяжкасці і памылкі дыягностыкі некаторых захворванняў сардэчна-сасудзістай сістэмы» (1978), «Дыягностыка кардыялагічных захворванняў» (1990), «Даведнік лекара агульнай практыкі» ў 2-х тамах (1995), «Лячэнне ўнутраных хвароб» (1997), «Дысліпідэмія» (1996, сааўтар А. Г. Мрочак), «Практычная кардыялогія» ў 2-х тамах (1997); «Недастатковасць кровазвароту» (1999); «Прафілактыка заўчаснай і раптоўнай смерці» (2000, сааўтар А. Г. Мрочак); «Вітаміны, мікра- і макраэлементы» (2002, сааўтар В. Н. Гарбачова); «Атэрасклероз» (2005, сааўтар А. Г. Мрочак); «Клінічная кардыялогія» (2006).

Літаратура

• Абрамовіч, С. Яму адкрытыя ўсе нашы сардэчныя таямніцы / С. Абрамовіч // Наша Талачыншчына. — 2011. — 15 студз. — С. 5.
• Бірукоў, В. Доктара Гарбачова памятаюць і ведаюць у нас / В. Бірукоў // Сцяг Ільіча (Талачын). — 2001. — 10 студз. — С. 1.
• В. В. Горбачёв // Моя Толочинщина: страницы истории / А. Шнейдер. — 2-е изд, с изм. — Минск : Бизнесофсет, 2006. — С. 126—127.
• Гарбачоў Уладзімір Васілевіч // Беларуская энцыклапедыя : у 18 т. / рэдкал.: Г. П. Пашкоў [і інш.]. — Мінск : БелЭн, 1997. — Т. 5 : Гальцы-Дагон. — С. 55.
• Горбачёв Владимир Васильевич // Регионы Беларуси : энциклопедия : в 7 т. / редкол.: Т. В. Белова [и др.]. — Минск : БелЭн імя П. Броўкі, 2010. — Т. 2 : Витебская область : в 2 кн. — Кн. 1. — С. 327.
• Горбачёв Владимир Васильевич // Республика Беларусь : энциклопедия : [в 7 т.] / редкол.: Г. П. Пашков [и др.]. — Минск : БелЭн імя П. Броўкі, 2006. — Т. 3 : Герасименко-Картель. — С. 125.
• Клятве Гиппократа верен // Синеокая Толочинщина: история, экономика, культура, памятные места / А. А. Шнейдер. — Минск : Бизнесофсет, 2009. — С. 39-40.
• Уладзімір Васілевіч Гарбачоў // Памяць: гісторыка-дакументальная хроніка Талачынскага раёна / рэдкал.: І. П. Шамякін [і інш.]; мастак А. М. Хількевіч. — Мінск : БелЭн імя П. Броўкі, 1988. — С. 641—642.
• Шнейдер, А. Верен клятве Гиппократа / А. Шнейдер // Наша Талачыншчына. — 2006. — 11 студз. — С. 3.