Уладзімір Касма

Уладзімір Касма
рум.: Vladimir Cosma
Асноўная інфармацыя
Дата нараджэння	13 красавіка 1940(1940-04-13) (85 гадоў)
Месца нараджэння	Бухарэст, Румынія
Краіна	Румынія  Францыя
Бацька	Тэадор Касма[d]
Альма-матар	Нармальная школа музыкі[d] Бухарэсцкі нацыянальны ўніверсітэт музыкі
Музычная дзейнасць
Педагог	Надзя Буланжэ
Прафесіі	дырыжор, кампазітар, скрыпач, піяніст, кінакампазітар
Гады актыўнасці	з 1963
Інструменты	скрыпка
Жанры	опера, сімфанічная музыка[d] і джаз
Узнагароды	Grand Officer of the Order of Cultural Merit[d] Prix Henri-Langlois[d] (2010) Прэмія «Давід дзі Данатэла» за найлепшую музыку[d]
Аўтограф
Медыяфайлы на Вікісховішчы
vladimir-cosma.com (фр.)

Уладзімі́р Касма́ (фр.: Vladimir Cosma; нар. 13 красавіка 1940(1940-04-13), Бухарэст) — румынска-французскі кампазітар і дырыжор. Вядомы перш за ўсё як кампазітар кіно, які напісаў музыку для многіх вядомых французскіх фільмаў, усяго больш за 200 саўндтрэкаў. Двойчы быў удастоены прэміі «Сезар» за найлепшую музыку да фільма (фільмы «Дзіва» (1982) Жан-Жака Бэнэкса і «Баль» (1984) Этарэ Сколы). Фільмы з музыкай Уладзіміра Касмы таксама станавіліся лаўрэатамі Канскага кінафестывалю.

Біяграфія

Нарадзіўся 13 красавіка 1940 года ў Бухарэсце, Румынія ў сям’і музыкантаў: бацька, Тэадор Касма — піяніст і дырыжор; маці — кампазітар; дзядзька, Эдгар Касма — кампазітар і дырыжор; бабуля — піяністка, выпускніца бухарэсцкай кансерваторыі.

У Парыж пераехаў у 1963 годзе, вучыўся ў школе музыкі Надзі Буланжэ. Прабіўся ў кінаіндустрыю, аранжыруючы мелодыі для Мішэля Леграна.

Узнагароды

• Афіцэр ордэна Ганаровага легіёна (29 снежня 2023 года).
• Кавалер ордэна Ганаровага легіёна (13 ліпеня 2004 года).
• Камандор ордэна Мастацтваў і літаратуры (1986 год).
• Вялікі афіцэр ордэна «За заслугі перад культурай» у катэгорыі B «Музыка» (2003 год, Румынія).

Спасылкі

• vladimir-cosma.com (фр.) — афіцыйны сайт
• Уладзімір Касма на сайце «Internet Movie Database» (англ.)
• Уладзімір Касма (англ.) на сайце AllMusic