Уладзімір Мікалаевіч Патупчык

	Уладзімір Патупчык
	Міністр энергетыкі Рэспублікі Беларусь
	Міністр энергетыкі Рэспублікі Беларусь
22 красавіка 2013 — 2 мая 2018
Прэм’ер-міністр:	Міхаіл Мясніковіч; Андрэй Кабякоў
Прэзідэнт:	Аляксандр Лукашэнка
Папярэднік:	Аляксандр Азярэц
Пераемнік:	Віктар Каранкевіч
	Намеснік прэм'ер-міністра Рэспублікі Беларусь
	Намеснік прэм'ер-міністра Рэспублікі Беларусь
4 чэрвеня 2009 — 28 снежня 2010
Прэм’ер-міністр:	Сяргей Сідорскі
Прэзідэнт:	Аляксандр Лукашэнка
	Міністр працы і сацыяльнай абароны Рэспублікі Беларусь
	Міністр працы і сацыяльнай абароны Рэспублікі Беларусь
5 мая 2006 — 4 чэрвеня 2009
Прэм’ер-міністр:	Сяргей Сідорскі
Прэзідэнт:	Аляксандр Лукашэнка
Папярэднік:	Антаніна Морава
Пераемнік:	Марыяна Шчоткіна
Партыя:	КПСС
Адукацыя:	Беларускі політэхнічны інстытут (1980); Расійская акадэмія дзяржаўнай службы[d] (2002);
Дзейнасць:	дзяржаўны дзеяч
Нараджэнне:	17 лістапада 1958 (59 гадоў); Шацілкі, Парыцкі раён, Гомельская вобласць, БССР, СССР;

Уладзі́мір Мікала́евіч Пату́пчык (нар. 17 лістапада 1958, Светлагорск, Беларуская ССР) — беларускі дзяржаўны дзеяч, міністр энергетыкі Рэспублікі Беларусь (2013—2018).

Біяграфія[правіць | правіць зыходнік]

Нарадзіўся ў Светлагорску Гомельскай вобласці ў 1958 г. У 1980 годзе скончыў Беларускі політэхнічны інстытут.

Працаваў машыністам-абходчыкам турбіннага абсталявання Мазырскай ЦЭЦ (1980—1981), машыністам, потым начальнікам змены на Светлагорскай ЦЭЦ (1981—1983). У 1983 годзе — намеснік начальніка цэнтральнай службы раённай энергетычнай управы «Гомельэнерга». У 1983—1984 гадах — начальнік лабараторыі металаў Светлагорскай ЦЭЦ.

Інструктар арганізацыйнага аддзела, загадчык прамыслова-транспартнага аддзела, загадчык арганізацыйнага аддзела Светлагорскага гаркаму КПБ (1984—1990). Намеснік старшыні Светлагорскага гарадскога Савета народных дэпутатаў (1990—1993). У 1993—1997 гадах — намеснік старшыні Светлагорскага гарвыканкама. У 1997—1998 гадах — першы намеснік старшыні Светлагорскага гарвыканкама. Старшыня камітэта па эканоміцы і рынкавых адносінах Гомельскага аблвыканкама (1998—2001). У 2001 годзе — старшыня Мазырскага гарвыканкама. У 2001—2004 гадах — намеснік старшыні Гомельскага аблвыканкама.

У 2002 годзе скончыў Расійскую акадэмію дзяржаўнай службы пры прэзідэнце Расійскай Федэрацыі.

У 2004 годзе прызначаны памочнікам Прэзідэнта Рэспублікі Беларусь — галоўным інспектрам па горадзе Мінску. 5 мая 2006 года прызначаны міністрам працы і сацыяльнай абароны Беларусі.

4 чэрвеня 2009 — 28 снежня 2010 — намеснік прэм’ер-міністра Рэспублікі Беларусь.

16 чэрвеня 2011 года стаў членам Савета Рэспублікі Нацыянальнага сходу Рэспублікі Беларусь 4-га склікання^[1], пазней абраны намеснікам старшыні Савета Рэспублікі.

22 красавіка 2013 прызначаны міністрам энергетыкі Рэспублікі Беларусь.

16 кастрычніка 2015 года пастановай Савета Міністраў № 870 у складзе Урада склаў свае паўнамоцтвы перад нававыбраным Прэзідэнтам Рэспублікі Беларусь^[2], а 17 снежня 2015 года ўказам Прэзідэнта № 500 зноў зацверджаны на пасадзе міністра^[3].

2 мая 2018 года зняты з пасады міністра энергетыкі Рэспублікі Беларусь^[4] з фармулёўкай «за садзейнічанне незаконнаму сямейнаму бізнэсу»^[5]. Адразу ж быў арыштаваны катэдж Патупчыка, пабудаваны непадалёку ад «Мінск-Арэны».