Уладзімір Сямёнавіч Мурахвер

Уладзімір Сямёнавіч Мурахвер (нар. 5 снежня 1931, г. Ананьеў, Адэская вобласць, УССР) — беларускі мастак дэкаратыўна-прыкладнога мастацтва. Заслежаны дзеяч мастацтва Беларусі (1990). Муж Л. М. Мягковай.

Біяграфія

Скончыў Ленінградскае вышэйшае мастацка-прамысловае вучылішча імя Мухінай у 1959 годзе. Творы захоўваюцца ў зборах Нацыянальнага мастацкага музея Беларусі, Гродзенскага гісторыка-археалагічнага музея, гістарычнага музея ў Смаленску, музея прыкладнога мастацтва ў горадзе Санкт-Пецярбургу, у музеі-сядзібе Кускова, у музеі шкла ў Даніі, у прыватных калекцыях Украіны, Германіі, ЗША і Польшчы.

Узнагароды

• Залаты медаль на выстаўцы шкла і фарфору ў г. Ябланец (Чэхія, 1979)
• Сярэбраны медаль АМ СССР (1990)

Літаратура

• Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).