Перайсці да зместу

Уладзімір Уладзіміравіч Парфяновіч

З Вікіпедыі, свабоднай энцыклапедыі
Уладзімір Уладзіміравіч Парфяновіч
Агульная інфармацыя
Пол мужчынскі пол
Спецыялізацыя веславанне на байдарках і каноэ
Нарадзіўся 2 снежня 1958(1958-12-02)[1] (67 гадоў)
Грамадзянства
Альма-матар
Лагатып Вікісховішча Медыяфайлы на Вікісховішчы

Уладзімір Уладзіміравіч Парфяновіч (нар 2 снежня 1958, Мінск) — беларускі спартсмен (веславанне на байдарках і каноэ), палітык. Трохразовы Алімпійскі чэмпіён (1980), шматразовы чэмпіён свету і Еўропы.

Біяграфічныя звесткі

[правіць | правіць зыходнік]

Скончыў Беларускі інстытут фізічнай культуры (1981). З 1977 года інструктар Спартыўнага камітэта пры Савеце Міністраў Беларусі. Заслужаны майстар спорту СССР (1979). З 1995 года ў прадпрымальніцкіх і грамадскіх структурах.

Дэпутат Палаты прадстаўнікоў Нацыянальнага сходу Беларусі. У чэрвені 2004 года ён з іншымі прадстаўнікамі парламенцкай групы «Рэспубліка» зладзіў галадоўку, каб дамагчыся разгляду ў парламенце змяненняў у Выбарчы кодэкс. Галадоўка доўжылася 18 дзён, аднак галоўнай мэты не дасягнула.

У 2013—2015 гадах працаваў галоўным трэнерам нацыянальных зборных Расійскай Федэрацыі па веславанні на байдарках і каноэ[2]. Станам на 2020 год Уладзімір Парфяновіч працуе дзіцячым трэнерам[3].

Спартыўныя дасягненні

[правіць | правіць зыходнік]

Чэмпіён XXII Алімпійскіх гульняў (1980, Масква) на байдарцы-адзіночцы (к-1) на дыстанцыі 500 м, на байдарцы-двойцы (к-2) на дыстанцыях 500 і 1000 м. Чэмпіён свету і Еўропы — 1979, 1981, 1982 (к-1, к-2) на дыстанцыі 500 м; 1981, 1982 (к-2) на дыстанцыі 1000 м; 1983 (к-1) на дыстанцыі 500 м. Сярэбраны прызёр чэмпіянатаў свету і Еўропы — 1978 (к-1) на дыстанцыі 500 м; 1983 (к-2) на дыстанцыях 500 і 1000 м. 17-разовы чэмпіён СССР. Чэмпіён Спартакіяды народаў СССР 1979 года[4].

Зноскі

  1. ↑ Wladimir Parfenowitsch // http://www.munzinger.de/search/go/document.jsp?id=01000052123
  2. ↑ Парфяновіч: Усюды кіруюць людзі, адданыя прэзыдэнту
  3. ↑ by.tribuna.com(недаступная спасылка). Архівавана з першакрыніцы 30 чэрвеня 2020. Праверана 25 чэрвеня 2020.
  4. ↑ Беларусь 1995.

Літаратура

[правіць | правіць зыходнік]
  • Петрыкаў А. М. Парфяновіч Уладзімір Уладзіміравіч // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).
  • Парфяно́віч Уладзімір Уладзіміравіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 565. — 800 с. — 5 000 экз. — ISBN 985-11-0026-9.
Узята з "https://be.wikipedia.org/w/index.php?title=Уладзімір_Уладзіміравіч_Парфяновіч&oldid=5142187"