Уладзіслаў Станіслававіч Цыдзік

Уладзіслаў Станіслававіч Цыдзік
Уладзіслаў Станіслававіч Цыдзік
Дэпутат Палаты прадстаўнікоў Нацыянальнага сходу Рэспублікі Беларусь V склікання
	18 кастрычніка 2012 — 2016
Прэзідэнт	Аляксандр Лукашэнка
Кіраўнік урада	Міхаіл Мясніковіч; Андрэй Кабякоў
Нараджэнне	11 лістапада 1953 (70 гадоў); Быльчыцы, Верцялішкаўскі сельсавет, Гродзенскі раён, Гродзенская вобласць, БССР, СССР;
Адукацыя	Гродзенскі дзяржаўны аграрны ўніверсітэт; Акадэмія кіравання пры Прэзідэнце Рэспублікі Беларусь;
Дзейнасць	палітык
Узнагароды	Ганаровая грамата Міністэрства сельскай гаспадаркі і харчавання Беларусі[d] Ганаровая грамата Нацыянальнага сходу Рэспублікі Беларусь

Уладзіслаў Станіслававіч Цыдзік (11 лістапада 1953, в. Быльчыцы, Гродзенскі раён, Гродзенская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V склікання.

Біяграфія[правіць | правіць зыходнік]

Нарадзіўся 11 лістапада 1953 года ў в. Быльчыцы Гродзенскага раёна Гродзенскай вобласці.

Скончыў Гродзенскі сельскагаспадарчы інстытут, вучоны аграном; Акадэмію кіравання пры Прэзідэнце Рэспублікі Беларусь (з адзнакай), спецыяліст у галіне дзяржаўнага кіравання. Аўтар шэрагу навуковых работ і публікацый.

Працаваў галоўным аграномам калгаса «Х з’езд Саветаў» Чэрвеньскага раёна Мінскай вобласці; галоўным аграномам упраўлення сельскай гаспадаркі Чэрвеньскага раённага выканаўчага камітэта; намеснікам старшыні Чэрвеньскага раённага аграпрамысловага аб’яднання Мінскай вобласці; начальнікам пададдзела, галоўным аграномам, намеснікам начальніка ўпраўлення, начальнікам упраўлення кормавытворчасці Міністэрства сельскай гаспадаркі і харчавання БССР і Рэспублікі Беларусь.

З 1998 года працаваў у сістэме Камітэта дзяржаўнага кантролю Рэспублікі Беларусь, з 2000 года — начальнікам галоўнага ўпраўлення кантролю за работай аграпрамысловага, лесагаспадарчага і прыродаахоўнага комплексаў Камітэта дзяржаўнага кантролю Рэспублікі Беларусь.

З 2007 года працаваў старшынёй Камітэта дзяржаўнага кантролю Мінскай вобласці.

З’яўляецца ліквідатарам аварыі на Чарнобыльскай АЭС.

У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.