Уладзіслаў Тадэвуш Быхавец

Уладзіслаў Тадэвуш Быхавец
Магіла
суддзя земскі ваўкавыскі[d] 10 чэрвеня 1740 — 1757
Папярэднік	Ян Казімір Масальскі[d]
Смерць	10 жніўня 1761(1761-08-10) ці не раней за 11 мая 1757 і не пазней за 26 лістапада 1757
Род	Быхаўцы
Бацька	Самуэль Быхавец
Маці	Крысціна з Дэнгафаў[d]
Жонка	Алена з Біспінгаў[d] і Марыяна з Нінеўскіх[d]
Дзеці	Ян Мікалай Быхавец, Тэрэза з Быхаўцаў[d], Ігнацы Быхавец[d] і Францішка Яана з Быхаўцаў[d]

Уладзіслаў Тадэвуш Быхавец (? — 10 жніўня 1761) — ураднік Вялікага Княства Літоўскага.

Біяграфія

Паходзіў са шляхецкага роду Быхаўцаў герба «Магіла». Сын Самуэля Дабрагоста Банавентуры і Крысціны з Дэнгафаў.

Cпярша падчашы менскі (1714—1726 гг.), суддзя Галоўнага трыбунала ВКЛ (1714 і 1736) і староста люцынскі (1718), харужы пяцігорскі знаку Пана падкаморыя ВКЛ (1725) і стольнік ваўкавыскі (1726), суддзя гродскі ваўкавыскі (1727—1736 гг.), затым — падстароста судовы Ваўкавыскага павета (1738—1740) і суддзя земскі ваўкавыскі (1740—1761).

У Ваўкавыскім павеце валодаў маёнткам Раневічы ці Граневічы (1726 г.) і сваёй часткай Лыскава (з Магілёўцамі). 5 сакавіка 1726 заставіў сваю частку Лыскава за 50 000 злотых сваёй жонцы Галене з Біспінгаў.  Як вынікае з ліста да маці ад 13 кастрычніка 1734 г., Уладзіслаў Тадэвуш Быхавец меў 47 дымоў.

Памёр 10 жніўня 1761 года.

Сям’я

Два разы браў шлюб — першы раз у 1726 г. з Галенай Біспінг, суддзянкай земскай старадубаўскай, якой таго ж года . У 1739 г. яго жонкай была ўжо Марыяна Нінеўская.

Ад першай жонкі меў сына Яна Мікалая (каля 1732 — ?), а ад другой — сына Ігната (Ігнацыя) і тры дачкі: Тэрэзу, Яганну і Францішку.

Тэрэза стала жонкай Антонія Сухадольскага (каля 1750—1799), гаспадара маёнтка Рагозніца, дзе ён у 1791 г. пабудаваў прыгожы палац, які захаваўся да нашых дзён. Тэрэза была бабкай знакамітага польскага мастака-баталіста Януарыя Сухадольскага (1797—1875).

Малодшы сын Ігнацый з жонкай Нявінскай меў сыноў Юзафа, Яна і Антонія.

Літаратура

• Семянчук Г. Быхаўцы // Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — С. 91. — 696 с. — ISBN 978-985-11-0487-7 (т. 3), ISBN 985-11-0315-2.