Улем

Асманскі ўлем у 1878 годзе.

Уле́м (араб. علماء‎ [улама́], мн. л. ад عالم‎ [а́лім] 'вучоны') — мусульманскі багаслоў і знаўца закону і права (шарыяту). Гістарычна займалі высокае становішча ў мусульманскім грамадстве, кантралявалі сістэму адукацыі, суды, узаемаадносіны паміж мусульманамі і іншае. Дагэтуль аказваюць вялікі ўплыў на палітычнае і грамадскае жыццё ў большасці мусульманскіх краін, яны найбольш кансерватыўны пласт грамадства, які супрацьстаіць яго вестэрнізацыі.

Літаратура

• Улемы // Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — С. 222. — 576 с. — 10 000 экз. — ISBN 985-11-0035-8. — ISBN 985-11-0263-6 (т. 16).