Уліковая палітыка

Бухгалтарскі ўлік
Ключавыя паняцці
	Бухгалтар • Бухгалтарскі рахунак; Галоўная бухгалтарская кніга; Абаротна-сальдавая ведамасць; Справаздачны перыяд; Уліковая палітыка; Падвойны запіс • Праводка; Дэбет і крэдыт • Актывы і пасівы; Калькуляцыя • Сабекошт; МСФС • GAAP
Фінансавая справаздачнасць
	Бухгалтарскі баланс; Справаздача аб прыбытках і стратах; Справаздача аб руху грашовых сродкаў; Справаздача аб змене капіталу; Кансалідаваная • Камбінаваная
Вобласці бухгалтарскага ўліку
	Улік затрат • Фінансавы ўлік • Судовая бухгалтэрыя; Улік фондаў • Кіраўнічы ўлік • Падатковы ўлік; Бюджэтны ўлік • Банкаўскі ўлік
Аўдыт
Фінансавы кантроль
	Гэта панэль: глядзець; размовы; правіць;

Уліковая палітыка — сукупнасць спосабаў арганізацыі і вядзення бухгалтарскага ўліку, якая прымаецца арганізацыяй самастойна^[1]. Прынятая ўліковая палітыка прымяняецца паслядоўна ад аднаго справаздачнага года да іншага^[2].

Афармленне і зацвярджэнне

Уліковая палітыка арганізацыі афармляецца ў выглядзе адпаведнага палажэння, якое падпісваецца галоўным бухгалтарам, кіраўніком арганізацыі або індывідуальным прадпрымальнікам, што аказвае паслугі вядзення бухгалтарскага ўліку і складання справаздачнасці. Палажэнне зацвярджаецца кіраўніком арганізацыі або іншымі асобамі (органамі), упаўнаважанымі на гэта заканадаўствам або статутам арганізацыі^[1].

Прынцыпы і мова дакументацыі

Уліковая палітыка павінна грунтавацца на прынцыпах бухгалтарскага ўліку і справаздачнасці, прадугледжаных заканадаўствам^[1].

Змест уліковай палітыкі

Уліковая палітыка арганізацыі змяшчае наступныя элементы:

віды ўліковай ацэнкі, якія выкарыстоўваюцца;
план рахункаў бухгалтарскага ўліку;
формы першасных уліковых дакументаў, распрацаваныя арганізацыяй;
форма вядзення бухгалтарскага ўліку;
парадак правядзення інвентарызацыі актываў і абавязацельстваў;
іншыя спосабы арганізацыі і вядзення бухгалтарскага ўліку.

Калі арганізацыя мае філіялы або прадстаўніцтвы, уліковая палітыка павінна прадугледжваць спосаб вядзення бухгалтарскага ўліку іх дзейнасці^[1].

Патрабаванні

Да ўліковай палітыкі прад’яўляюцца наступныя асноўныя патрабаванні:

поўнае адлюстраванне ў бухгалтарскім уліку ўсіх фактаў дзейнасці прадпрыемства;
адлюстраванне фактаў гаспадарчай дзейнасці, зыходзячы з прававых норм і эканамічных умоў вядзення гаспадаркі;
тоеснасць дадзеных аналітычнага і сінтэтычнага ўліку дадзеным бухгалтарскай і падатковай справаздачнасці^[3].

Прымяненне прафесійнага меркавання

Калі заканадаўства не ўстанаўлівае парадку адлюстравання канкрэтных гаспадарчых аперацый, асобных складнікаў актываў, абавязацельстваў, уласнага капіталу, даходаў ці выдаткаў, арганізацыя самастойна распрацоўвае такі парадак з выкарыстаннем прафесійнага меркавання з улікам патрабаванняў заканадаўства^[1].

Змены ўліковай палітыкі

Уліковая палітыка звычайна не змяняецца, за выключэннем наступных выпадкаў:

змены заканадаўства;
змены спосабаў вядзення бухгалтарскага ўліку з мэтай павышэння дакладнасці і актуальнасці фінансавай інфармацыі;
прыняцця рашэння аб рэарганізацыі або ліквідацыі арганізацыі.

Змены, звязаныя з рэарганізацыяй або ліквідацыяй, уносяцца з пачатку справаздачнага года.

Усе змены павінны быць абгрунтаваныя, падпісаныя галоўным бухгалтарам, кіраўніком арганізацыі або індывідуальным прадпрымальнікам і зацверджаны ўпаўнаважанымі асобамі або органамі^[1].

Крыніцы

1 2 3 4 5 6 «О бухгалтерском учете и отчетности» – тематические подборки НПА на Pravo.by (руск.). pravo.by. Праверана 17 мая 2025.
↑ Н.В. Комина, Т.А. Сахнович. Основы теории бухгалтерского учета: пособие для студентов экономических специальностей. — Мн.: БНТУ, 2010. — 88 с. — ISBN 978-985-525-413-4.
↑ Сокольчик, Т. П. Бухгалтерский учёт и аудит : пособие. — Мн.: Акад.упр. при Президенте Респ. Беларусь, 2009. — ISBN 978–985–457–898–9.

[:0-1] 1 2 3 4 5 6 «О бухгалтерском учете и отчетности» – тематические подборки НПА на Pravo.by (руск.). pravo.by. Праверана 17 мая 2025.

[2] Н.В. Комина, Т.А. Сахнович. Основы теории бухгалтерского учета: пособие для студентов экономических специальностей. — Мн.: БНТУ, 2010. — 88 с. — ISBN 978-985-525-413-4.

[3] Сокольчик, Т. П. Бухгалтерский учёт и аудит : пособие. — Мн.: Акад.упр. при Президенте Респ. Беларусь, 2009. — ISBN 978–985–457–898–9.

[1]

[2]

[3]