Уманскі нацыянальны ўніверсітэт садаводства

Уманскі нацыянальны ўніверсітэт садаводства
Уманський національний університет садівництва
Арыгінальная назва	Уманський національний університет садівництва
Міжнародная назва	Uman National University of Horticulture
Заснаваны	1844
Тып	профільны ўніверсітэт
Рэктар	Алена Аляксандраўна Непачаценка
Студэнты	5 000
Дактары	30
Прафесары	32
Юрыдычны адрас	вул. Інстытуцкая 1,20305 г. Умань, Чаркаская вобл., Украіна
Сайт	udau.edu.ua
Медыяфайлы на Вікісховішчы

Уманскі нацыянальны ўніверсітэт садаводства — украінская дзяржаўная вышэйшая навучальная ўстанова аграрна-тэхнічнага профілю са статусам нацыянальнага ўніверсітэта, якая знаходзіцца ў горадзе Умань.

Гісторыя

Адна з самых старых вышэйшых навучальных устаноў Украіны, заснаваная ў 1844 годзе ў Адэсе як Галоўнае вучылішча садаводства, задачай якога была падрыхтоўка высокакваліфікаваных садаводаў і даследчыкаў у галіне садаводства. У сувязі з неадпаведнымі ўмовамі для развіцця садаводства ў ваколіцах Адэсы, вучылішча ў 1859 годзе было пераведзена ва Умань, дзе былі перадумовы для падрыхтоўкі спецыялістаў гэтага профілю.

За сваю шматгадовую гісторыю навучальная ўстанова зведала шэраг рэарганізацый:

• Галоўнае вучылішча садаводства (1844—1868);
• Уманскае вучылішча земляробства і садаводства (1868—1921);
• Уманскі аграпалітэхнікум (1921—1929);
• Уманскі сельскагаспадарчы інстытут (1929—1930);
• Уманскі садаагародны інстытут (1930—1931);
• Уманскі плодаягадны інстытут (1931—1934);
• Уманскі плодаагароднінны інстытут (1934—1936);
• Уманскі сельскагаспадарчы інстытут (1936—1996);
• Уманская сельскагаспадарчая акадэмія (1996—2000)
• Уманская дзяржаўная аграрная акадэмія (2000—2003);
• Уманскі дзяржаўны аграрны ўніверсітэт (2003—2006);
• Уманскі нацыянальны ўніверсітэт садаводства (са снежня 2009).

Структура

• Факультэт аграноміі
• Факультэт плодаагародніцтва, экалогіі і аховы раслін
• Факультэт менеджменту
• Факультэт эканомікі і прадпрымальніцтва
• Інжынерна-тэхналагічны факультэт
• Факультэт лясной і садова-паркавай гаспадаркі

Спасылкі

• На Вікісховішчы ёсць медыяфайлы па тэме Уманскі нацыянальны ўніверсітэт садаводства
• Афіцыйная старонка ўніверсітэта