Універсітэт Паўднёвага Крыжа

Універсітэт Паўднёвага Крыжа
англ.: Southern Cross University
Арыгінальная назва	англ.: Southern Cross University
Заснаваны	1970
Рэарганізаваны	1994
Студэнты	18 092
Краіна	Аўстралія
Размяшчэнне	Лісмар, Новы Паўднёвы Уэльс, Аўстралія
Сайт	scu.edu.au

Універсітэт Паўднёвага Крыжа (англ.: Southern Cross University) — аўстралійская дзяржаўная вышэйшая навучальная ўстанова са статусам універсітэта, якая месціцца ў горадзе Лісмар у штаце Новы Паўднёвы Уэльс.

Агульная характарыстыка

Папярэднікам універсітэта быў Лісмарскі педагагічны каледж, які пачаў сваю працу 23 лютага 1970 года. Сёння ўніверсітэт мае кампусы ў Лісмары і Кофс-Харбары на поўначы Новага Паўднёвага Уэльса і ў Кулангата, самым паўднёвым прыгарадзе Голд-Кост у Квінслендзе. У 2019 годзе ўніверсітэт увайшоў у шэраг 100 лепшых маладых універсітэтаў свету па версіі «Times Higher Education World University Rankings».

Структура

• Факультэт бізнесу, права і мастацтваў
• Факультэт прыродазнаўства і інжынерыі
• Факультэт здароўя
• Факультэт адукацыі
• Каледж карэнных народаў Аўстраліі
• Універсітэцкі каледж

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Афіцыйная інтэрнэт-старонка ўстановы