Універсітэт Цывітас

Універсітэт Цывітас
польск.: Uniwersytet Civitas
Арыгінальная назва	польск.: Uniwersytet Civitas
Міжнародная назва	англ.: Civitas University
Заснаваны	1997
Рэктар	Станіслаў Моцэк
Рэктар	Stanisław Mocek[d]
Студэнты	2 000
Краіна	Польшча
Размяшчэнне	Варшава
Юрыдычны адрас	пл. Дэфіляд 1, 00-901 г. Варшава, Польшча
Сайт	civitas.edu.pl
Медыяфайлы на Вікісховішчы

Універсітэт Цывітас (польск.: Uniwersytet Civitas) — польская прыватная вышэйшая навучальная ўстанова з сядзібай у Варшаве.

Агульная характарыстыка

ВНУ была створана па ініцыятыве навукоўцаў з Інстытута палітычных даследаванняў Польскай акадэміі навук і працуе пад эгідай пяці інстытутаў са сферы сацыяльных навук ПАН.

У першы год сядзіба вучэльні размяшчалася на вул. Смалюхоўскага. У наступныя гады вучэльня размяшчалася ў будынку на вул. Марыі Казімеры 31 на Марымонт (частка лекцый праходзіла тады ў Доме літаратуры на Кракаўскім прадмесці 87/89). Пазней (у 2000-2003 гады) вучэльня знайшла сваё месца ў больш буйным будынку на вул. Навуковай 5/7 на Влохах. З 2003 года ВНУ размешчана на 12 паверсе Палаца культуры і навукі. У 2025 годзе яна афіцыйна атрымала статус і паўнамоцтвы ўніверсітэта.

Вучэльня прапануе праграмы навучання на польскай і англійскай мовах і двухмоўныя праграмы ў шасці абласцях:

• Журналістыка і новыя СМІ
• Кіраванне і маркетынг
• Псіхалогія і коучынг
• Бяспека і аналіз інфармацыі
• Міжнародныя адносіны і дыпламатыя
• Сацыялогія, культура, мастацтва

Ступень бакалаўра і магістра ў Collegium Civitas (больш за 70 спецыяльнасцей і спецыялізацый) можна арымаць па 4 напрамкам:

• Упраўленне (І ступень)
• Сацыялогія (І і ІІ ступені)
• Міжнародныя адносіны (І і ІІ ступені)
• Журналістыка і новыя СМІ (І ступені)

Адукацыйная прапанова таксама ўключае ў сябе магчымасць атрымання ступеня МВА, доктарскай ступені, удзел у курсах і семінарах, а таксама заняткі ва ўніверсітэце трэцяга веку і дзіцячым каледжы.

Спасылкі

• На Вікісховішчы ёсць медыяфайлы па тэме Універсітэт Цывітас
• Афіцыйная інтэрнэт-старонка ўстановы