Універсітэт лагістыкі Кюнэ

Універсітэт лагістыкі Кюнэ — Вышэйшая школа прыкладных навук па лагістыцы і менеджменце
ням.: Kühne Logistics University – Wissenschaftliche Hochschule für Logistik und Unternehmensführung
Арыгінальная назва	ням.: Kühne Logistics University – Wissenschaftliche Hochschule für Logistik und Unternehmensführung
Заснаваны	2010
Тып	прыватная ВНУ
Прэзідэнт	Андрэас Каплан
Рэктар	Андрэас Каплан
Студэнты	450
Краіна	Германія
Размяшчэнне	Гамбург
Сайт	the-klu.org
Медыяфайлы на Вікісховішчы

Універсітэт лагістыкі Кюнэ — Вышэйшая школа прыкладных навук па лагістыцы і менеджменце (ням.: Kühne Logistics University – Wissenschaftliche Hochschule für Logistik und Unternehmensführung) — нямецкая прыватная вышэйшая навучальная і навукова-даследчая ўстанова з сядзібай у горадзе Гамбург.

Агульная характарыстыка

Універсітэт кіруецца Некамерцыйным таварыствам з абмежаванай адказнасцю «Універсітэт лагістыкі Кюнэ», адзіным акцыянерам якога з’яўляецца Дабрачынны фонд Кюнэ, які знаходзіцца ў Швейцарыі. Гэты фонд садзейнічае развіццю адукацыі і прафесійнай падрыхтоўкі, а таксама даследаванням і навуцы ў транспартнай індустрыі і лагістыцы.

Установа складаецца з двух факультэтаў: факультэта аперацый і тэхналогій і факультэта лідарства і менеджменту.

У цяперашні час у ВНУ налічваецца 22 прафесара, якія займаюцца даследаваннямі ў галіне лагістыкі, менеджменту і карпаратыўнага кіравання.

Праграмы навучання

• Бакалаўр дзелавога адміністравання (міжнародны менеджмент, устойлівае кіраванне, кіраванне ланцугамі паставак, інфармацыйныя сістэмы кіравання)
• Магістр менеджменту (стварэнне кошту, лічбавая трансфармацыя)
• Магістр ў галіне глабальнай лагістыкі і сістэм кіравання ланцугамі паставак
• Магістр ў галіне кіравання глабальнымі ланцугамі паставак
• Магістр дзелавога адміністравання ў галіне лідарства і кіравання ланцугамі паставак
• Дактарантура (PhD)

Спасылкі

• На Вікісховішчы ёсць медыяфайлы па тэме Універсітэт лагістыкі Кюнэ
• Афіцыйная інтэрнэт-старонка ўстановы Архівавана 10 мая 2019.