Упраўленне Вярхоўнага камісара ААН па правах чалавека

З Вікіпедыі, свабоднай энцыклапедыі
Упраўленне Вярхоўнага камісара ААН па правах чалавека
UNHCHR genf800px.jpg
Адміністрацыйны цэнтр
Тып арганізацыі арганізацыя ААН[d] і праваабарончая арганізацыя[d]
Кіраўнік Мішэль Бачэлет[2], Prince Zeid bin Ra'ad[d], Navanethem Pillay[d], Луіза Арбур, Bertrand Ramcharan[d], Sérgio Vieira de Mello[d], Мэры Робінсан і José Ayala Lasso[d]
Заснаванне
Дата заснавання 20 снежня 1993[1]
Узнагароды
Grand Cross of the Order of the Sun of Peru‎
ohchr.org​ (англ.)

Упраўленне Вярхоўнага камісара ААН па правах чалавека, УВКПЧ (Office of the United Nations High Commissioner for Human Rights, OHCHR) — агенцтва Арганізацыі Аб’яднаных Нацый, якое адсочвае забяспячэнне і абарону правоў чалавека, гарантаваных Усеагульнай дэкларацыяй правоў чалавека.

Заснаванае ў 1993 г. Генеральнай Асамблеяй ААН. З’яўляецца галоўным структурным падраздзяленнем ААН па ахове правоў чалавека. Узначальваецца Вярхоўным камісарам ААН па правах чалавека, які нясе асноўную адказнасць за дзейнасць ААН ў галіне правоў чалавека.

З 1 верасня 2008 г. пасаду Вярхоўнага камісара ААН па правах чалавека займае Наванетхем Пілэй (Navanethem Pillay) з Паўднёва-Афрыканскай Рэспублікі.

Упраўленне цесна супрацоўнічае з Саветам па правах чалавека ААН (UNHRC). Колькасць супрацоўнікаў Упраўлення налічвае каля 1 тысячы чалавек.

Расследаванне ў Тыграі[правіць | правіць зыходнік]

Асноўны артыкул: Расследаванне ЭКПЧ і УВКПЧ па Тыграі

У сакавіку 2021 года Вярхоўны камісар ААН па правах чалавека Мішэль Бачэлет заявіла, што УВКПЧ з Эфіопскай камісіяй па правах чалавека (ЭКПЧ) дамовіліся правесці сумеснае расследаванне парушэнняў правоў чалавека ў зоне Тыграйскага канфлікту[3]. Як адзначалася ў ААН, яны будуць разглядаць «парушэнні правоў чалавека, учыненыя усімі бакамі ў кантэксце канфлікту ў Тыграі». УВКПЧ заявіла, што яно і ЭКПЧ падтрымліваюць пастаяннае партнёрства і падзяляюць мэты адказнасці за выкананне правоў чалавека. Першапачатковы этап расследавання быў запланаваны на трохмесячны перыяд[4][5].

У маі УВКПЧ і ЭКПЧ падпісалі пагадненне, у якім падрабязна апісаны «геаграфічны ахоп, пытанні расследавання і механізмы ўзаемадзеяння». Кожная з дзвюх камісій адабрала па шэсць чалавек для стварэння каманды з дванаццаці следчых. Былі таксама прызначаны супрацоўнікі па прававых пытаннях, гендэрных пытаннях, пытаннях бяспекі і перакладчыкі. Даніэль Бекэле, кіраўнік ЭКПЧ, заявіў, што яны не атрымоўвалі паведамленняў ад Афрыканскай камісіі па правах чалавека і народаў (АКПЧН) аб магчымым супрацоўніцтве ў расследаванні[6].

Як пісала The Guardian, многія тыграйскія дзеячы негатыўна ўспрынялі ўдзел ЭКПЧ ў расследаванні[7], так як дадзеная структура падпарадкоўваецца ўладам і будзе прадузятай у адносінах да паўстанцаў[8][9].

Заявы па Беларусі[правіць | правіць зыходнік]

1 верасня 2020 года Упраўленне Вярхоўнага камісара ААН па правах чалавека апублікавала дакумент, падпісаны 13 экспертамі арганізацыі, у якім заявіла, што ім вядома пра 450 задакументаваных выпадкаў катаванняў і жорсткага абыходжання з людзьмі, пазбаўленымі волі пасля «спрэчных прэзідэнцкіх выбараў» 9 жніўня, якія прывялі да масавых пратэстаў і арыштаў. Паводле інфармацыі ААН, сваякі як мінімум шасці чалавек не ведаюць пра месцазнаходжанне і стан здароўя іх блізкіх, маюцца звесткі пра эпізоды гвалту над дзецьмі і жанчынамі, уключаючы сексуальны гвалт. Аўтары заявы заклікалі прыцягнуць вінаватых да адказнасці і забяспечыць кампенсацыю ахвярам і іх сем’ям[10].

Гл. таксама[правіць | правіць зыходнік]

Зноскі

  1. ↑ а б UN Office of the High Commissioner for Human Rights Праверана 22 верасня 2020.
  2. ↑ Michelle Bachelet Jeria — Упраўленне Вярхоўнага камісара ААН па правах чалавека.
  3. ↑ U.N. rights chief agrees to Ethiopia request for joint Tigray inquiry (18 сакавіка 2021).
  4. ↑ Probe announced into alleged Tigray rights violations: UN rights office. United Nations (25 сакавіка 2021). Архівавана з першакрыніцы 4 ліпеня 2021.
  5. ↑ Ethiopia: The Office of the United Nations High Commissioner for Human Rights and the Ethiopian Human Rights Commission to conduct a joint investigation with a view to a credible accountability process. OHCRC (25 сакавіка 2021). Архівавана з першакрыніцы 4 ліпеня 2021.
  6. ↑ Joint team to start investigation in Tigray (15 мая 2021).
  7. ↑ Ethiopia's human rights chief as war rages in Tigray: 'we get accused by all ethnic groups' (2 чэрвеня 2021).
  8. ↑ Justice will not be served by a joint Ethiopian-UN inquiry into Tigray atrocities (12 красавіка 2021).
  9. ↑ 'I Didn't Expect to Make It Back Alive': An Interview With Tigray's Leader (3 ліпеня 2021).
  10. ↑ ААН аб’вясьціла аб 450 выпадках катаваньняў пасьля акцый пратэсту ў Беларусі Архівавана 2 верасня 2020.

Спасылкі[правіць | правіць зыходнік]

Узята з "https://be.wikipedia.org/w/index.php?title=Упраўленне_Вярхоўнага_камісара_ААН_па_правах_чалавека&oldid=4206555"