Усехсвяцкая царква (Тураў)

З пляцоўкі Вікіпедыя
Jump to navigation Jump to search
Царква Усіх Святых у Тураве

Царква ў імя Усіх Святых — праваслаўны храм у г. Тураў Жыткавіцкага раёна Гомельскай вобласці.

Гісторыя[правіць | правіць зыходнік]

Тураўская царква Усіх Святых. Фотаздымак І. Сербава, 1912 год.

На вуліцы Леніна, на могілках. Пабудавана ў 1810 г. (па іншых звестках — у 1870) з дрэва на месцы храма 1801 г. Адкрыта ў 1980 г. ў час святкавання 1000-годдзя горада.

Архітэктура[правіць | правіць зыходнік]

Помнік народнага дойлідства. Трохзрубны храм складаецца з прамавугольнага аб'ёму, у якім аб'яднаны прытвор і бабінец, квадратная ў плане малітоўная зала і апсіда. Першапачаткова зрубы завяршаліся шатровымі дахамі з галоўкамі і крыжамі. У пачатку 20 ст. шатры заменены двухсхільнымі дахамі, над прытворам надбудавана васьмерыковая шатровая званіца. Вертыкальна ашаляваныя фасады прарэзаны прамавугольнымі аконнымі праёмамі, уваход вылучаны двухслуповым ганкам пад двухсхільнай навіссю.

Інтэр'ер[правіць | правіць зыходнік]

У малітоўную залу шырокім прамавугольным прасветам адкрываецца бабінец. Апсіда вылучана прасветам са зрэзанымі вугламі і двух'ярусным разным іканастасам, царскія вароты якога выкананы ў стылі ракако.

Зноскі

Літаратура[правіць | правіць зыходнік]

  • Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі[правіць | правіць зыходнік]