Хантайскае вадасховішча

Хантайскае
руск.: Хантайское
Каардынаты: 68°05′08″ пн. ш. 87°46′24″ у. д.
Размяшчэнне	Расія, Краснаярскі край, Таймырскі Далгана-Ненецкі раён
Даўжыня	160 км
Шырыня	9 км
Плошча	1561 км²
Аб'ём	23,52 км³
Найбольшая глыбіня	430 м
Плошча вадазбору	293 000 км²
Упадаюць	Хантайка, Кулюмбэ, Гарбіячын, Брус, Тукуланда
Выцякаюць	Хантайка
Год напаўнення	1975
Хантайскае
Хантайскае

Ханта́йскае, Усць-Хантайскае (руск.: Ханта́йское, Усть-Хантайское) — вадасховішча ў Расіі, у Таймырскім Далгана-Ненецкім раёне Краснаярскага края, на рацэ Хантайка.

Створана ў 1970—1975 гг. у выніку будаўніцтва Усць-Хантайскай ГЭС за 60 км ад вусця Хантайкі. Плошча воднай паверхні 1561 км² (2120 км²). Праектны поўны аб’ём 23,52 км³, карысны — 13,43 км³. Плошча вадазбору 293 000 км². Даўжыня вадасховішча 160 км, найбольшая шырыня 9 км. Глыбіні да 420 м. Ваганні ўзроўню вады да 13 м (сярэдняе шматгадовае значэнне — 8 м). Вадасховішча слабапраточнае. Берагавая лінія значна парэзаная. Замярзае вадасховішча ў кастрычніку, вызваляецца ад лёду ў чэрвені — пачатку ліпеня.

Выкарыстоўваецца ў мэтах рэгулявання сцёку. Каля гідравузла ГЭС знаходзіцца раён Снежнагорск горада Нарыльска (з 2004 года, раней – гарадскі пасёлак Снежнагорск), якому адміністрацыйна падпарадкаваны Снежнагорск.

Літаратура

• Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 465. — 538 с. — 100 000 экз. (руск.)

Спасылкі

• Измайлова А. В., Гречушникова М. Г. Усть-Хантайское водохранилище // Научно-популярная энциклопедия «Вода России» Архівавана 1 лістапада 2021. (руск.)