Уцекачы (фільм, 1986)

Уцекачы
фр.: Les Fugitifs
Жанры	кінакамедыя і бадзі-муві[d]
Рэжысёр	Франсіс Вебер
Сцэнарыст	Франсіс Вебер
У галоўных ролях	Мішэль Блан Жан Кармэ Жэрар Дэпардзьё П’ер Рышар Anaïs Bret[d] Arno Klarsfeld[d] Крыстыян Сініжэ[d] Didier Pain[d] Éric Averlant[d] Jean Benguigui[d] Maurice Barrier[d] Philippe Lelièvre[d] Roland Blanche[d] Stéphane Boucher[d] Yveline Ailhaud[d] Isabelle Renauld[d] Jean Veber[d] Jacqueline Noëlle[d] Michel Berto[d] André Julien[d] Marc Adjadj[d] Jean-Pierre Becker[d] Pamela Stanford[d]
Аператар	Luciano Tovoli[d]
Кампазітар	Уладзімір Касма
Кінакампанія	Gaumont[d]
Працягласць	95 хв. і 89 хв.
Краіна	Францыя
Мова	французская
Год	1986 і 25 чэрвеня 1987
Папярэдні фільм	Les Compères[d]
IMDb	ID 0091093
Медыяфайлы на Вікісховішчы

«Уцекачы» (фр.: Les Fugitifs) — кінафільм, камедыя становішчаў. Заключная з трох класічных камедый з камічным дуэтам Рышар — Дэпардзьё («Неўдахі», «Бацькі», «Уцекачы»). Саўндтрэк напісаў кампазітар Уладзімір Касма. У 1989 годзе ў Амерыцы зняты рэмейк фільма пад назвай «Тры ўцекачы».

У 2014 годзе ён увайшоў у лік найбольш папулярных сярод французаў фільмаў на ТБ (13,36 мільёнаў гледачоў), заняўшы 14-е месца.

Сюжэт

Вядомы рабаўнік банкаў Жан Люка выходзіць з турмы. Ён не хоча правесці ўсё сваё астатняе жыццё за кратамі і таму вырашае назаўжды завязаць са сваёй злачыннай дзейнасцю. Ён адпраўляецца ў бліжэйшы банк толькі дзеля таго, каб адкрыць там свой рахунак, але ў гэты час у памяшканне ўрываецца ўзброены рабаўнік — разгублены беспрацоўны Франсуа Піньён. Піньён жыве са сваёй маленькай дачкой, якая пасля смерці маці цалкам перастала гаварыць, і яны адчайна маюць патрэбу ў грошах. Паліцыя бярэ банк у аблогу, і тады Піньён, не бачачы іншага выйсця, бярэ Люка ў заложнікі. Але камісар Дюрок упэўнены, што ўсё ідзе роўна наадварот: Люка — сапраўдны рабаўнік, а Піньён — яго закладнік. Люка даводзіцца браць сітуацыю ў свае рукі і ратаваць і сябе, і Піньёна, а пазней і яго дачку. Пасля серыі прыгод усе трое пранікаюцца ўзаемнай сімпатыяй, а маленькая Жанна ўпершыню за доўгі час пачынае гаварыць. Піньён піша прызнанне, у якім тлумачыць, што ён сам спрабаваў абрабаваць банк і якая ва ўсім гэтым роля Люка. Піньён хоча з’ехаць са сваёй дачкой за мяжу, але ў гэты час Жанна аказваецца ў руках паліцыі і трапляе ў прытулак для сірот. Люка даказвае сваю невінаватасць, а Піньён тым часам хаваецца, ведучы жыццё валацугі. Прыяцелі выкрадаюць Жанну з прытулку. Спачатку Люка збіраецца дапамагчы Піньёну з дачкой абмінуць памежны кантроль і схавацца ад правасуддзя ў Італіі. Але потым, не жадаючы раставацца, ён адпраўляецца туды разам з імі.

У ролях

• Жэрар Дэпардзьё — Жан Люка
• П’ер Рышар — Франсуа Піньён
• Жан Кармэ — ветэрынар Мартэн
• Ралан Бланш — Ідрыс, адзін з людзей Лабіба.
• Марыс Бар’е — камісар паліцыі Дюрок
• Жан Бенгігі — месье Лабіб
• Філіп Лер’івер — памочнік Дзюрака
• Мішэль Блан — доктар Жыльбер
• Анаіс Брэ — Жанна Піньён