Ушышыр

Ушышыр
рус. Ушишир
Выгляд з космасу
Характарыстыкі
Колькасць астравоў	2
Найбуйнейшы востраў	востраў Янкіча
Агульная плошча	5 км²
Найвышэйшы пункт	388 м
Насельніцтва	0 чал. (2012)
Размяшчэнне
47°32′26,90″ пн. ш. 152°50′19,40″ у. д.
Акваторыя	Ціхі акіян
Краіна	Расія
Ушышыр
Аўдыё, фота і відэа на Вікісховішчы

Ушышы́р (руск.: Ушишир) — астравы ў Вялікай градзе Курыльскіх астравоў. Адміністрацыйна ўваходзіць у склад Сахалінскай вобласці Расіі. Плошча — 5 км².

Геаграфія і прырода

У склад Ушышыр уваходзяць усяго два астравы:

• Рыпанкіча
• Янкіча

Абодвы вулканічнага паходжання. На востраве Янкіча маецца актыўны вулкан Ушышыр (388 м). На поўдні месціцца буйная кратарная бухта. Шмат крыніц гарачай вады. Травяны покрыў маецца толькі на востраве Рыпанкіча. Астравы насяляюць марскія птушкі.

Гісторыя

З мовы айнаў назва астравоў перакладаецца як «зямля гарачых крыніц». Айны наведвалі астравы з рытуальнымі мэтамі, паколькі лічылі іх месцам знаходжання бога агню і грому Канакамуі.

У японскіх кнігах Ушышыр згадваюцца з XVII ст. У XVIII ст. даследаваны японскай і расійскай экспедыцыямі. У 1875—1945 гадах уваходзілі ў склад Японіі. На астравах была размешчана вопытная сельскагаспадарчая станцыя, некаторы час жыло некалькі сем’яў айнаў.

Пасля далучэння да Расіі ў 1945 годзе незаселены.

Спасылкі

• Астравы Ушышыр