Уэйн Брыдж

З Вікіпедыі, свабоднай энцыклапедыі
Футбол
Уэйн Брыдж
Агульная інфармацыя
Нарадзіўся 5 жніўня 1980(1980-08-05)[1][2][…] (43 гады)
Грамадзянства  Англія
Рост 178 см
Пазіцыя левы абаронца
Маладзёжныя клубы
Англія Оліверз Бэтэры
1996—1998 Англія Саўтгемптан
Клубная кар’ера[* 1]
1998—2003 Англія Саўтгемптан 151 (2)
2003—2009 Англія Чэлсі 87 (1)
2006 →  Англія Фулхэм 12 (0)
2009—2013 Англія Манчэстэр Сіці 42 (0)
2011 →  Англія Вест Хэм Юнайтэд 15 (0)
2012 →  Англія Сандэрленд 8 (0)
2012—2013 →  Англія Брайтан энд Хоўв Альбіён 37 (3)
2013—2014 Англія Рэдынг 12 (0)
Нацыянальная зборная[* 2]
1998—1999 Англія Англія (да 18) 3 (0)
1999—2001 Англія Англія (да 21) 8 (0)
2002—2009 Англія Англія 36 (1)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.
  2. ↑ Колькасць гульняў і галоў за нацыянальную зборную ў афіцыйных матчах
Лагатып Вікісховішча Медыяфайлы на Вікісховішчы

Уэйн Брыдж (англ.: Wayne Bridge; нар. 5 жніўня 1980) — англійскі футбаліст, абаронца. За нацыянальную зборную Англіі правёў 36 матчаў і толькі ў адным з іх адзначыўся голам. Вядомы ў першую чаргу па выступах за «Чэлсі» і «Манчэстэр Сіці».

Клубная кар’ера[правіць | правіць зыходнік]

«Саўтгемптан»[правіць | правіць зыходнік]

Брыдж нарадзіўся ў Саўтгемптане, але пераехаў разам з бацькамі ва Уінчэстэр у раннім узросце, аднак сувязі з горадам не парваў. Уэйн з ранніх гадоў наведваў футбольную акадэмію «Саўтгемптана». За які і дэбютаваў у 1998 годзе.

«Чэлсі»[правіць | правіць зыходнік]

У 2003 годзе перайшоў з «Саўтгемптана» ў лонданскі «Чэлсі» і па выніках сезона 2003/04 быў уключаны ў сімвалічную зборную. Адносіны з галоўным трэнерам клуба Жазэ Маўрынью складаліся не заўсёды гладка, таму другую палову сезона 2005/06 Уэйн правёў у арэндзе ў «Фулхэме».

У сезоне 2006/07 з прыходам Эшлі Коўла сітуацыя з гульнявой практыкай для Уэйна зноў ускладнілася, хоць у першых матчах ён праявіў сябе цудоўна. У пачтаку 2007 года Коўл атрымаў траўму, што дазволіла Брыджу замацавацца ў складзе.

«Манчэстэр Сіці»[правіць | правіць зыходнік]

У студзені 2009 года перайшоў у «Манчэстэр Сіці», падпісаўшы кантракт на 4,5 гады. Спачатку гуляў у аснове, але летам 2010 года клуб набыў Аляксандара Каларава, там самым Брыдж страціў месца ў складзе. У студзені 2011 года быў адпраўлены ў арэнды ў «Вест Хэм Юнайтэд» да канца сезона 2010/11. У другой палове 2011 года заставаўся ў складзе «Манчэстэр Сіці», але не гуляў у Прэм’ер-лізе. У студзені 2012 года быў арандаваны «Сандэрлендам» да канца сезона 2011/12, а наступны сезон правёў у арэндзе ў «Брайтан энд Хоўв Альбіён» у Чэмпіёншыпе.

«Рэдынг»[правіць | правіць зыходнік]

У чэрвені 2013 года падпісаў аднагадовы кантракт з «Рэдынгам», які па выніках мінулага сезона страціў месца ў Прэм’ер-лізе. Згуляўшы за сезон 2013/14 у 12 матчах, у маі 2014 года пакінуў клуб і завяршыў прафесійную кар’еру.

Міжнародная кар’ера[правіць | правіць зыходнік]

Нягледзячы на тое, што Брыдж нерэгулярна выходзіў у складзе зборнай, Уэйн мае на сваім рахунку 36 матчаў за нацыянальную зборную Англіі, у тым ліку значыўся ў спісе ігракоў Англіі на двух чэмпіянатах свету. Спыніў сваю міжнародную кар’еру 25 лютага 2010 года, пасля меркаванага рамана паміж яго экс-сяброўкай і капітанам зборнай Англіі Джонам Тэры[4].

Зноскі

  1. ↑ Wayne Bridge // Transfermarkt — 2000. Праверана 9 кастрычніка 2017.
  2. ↑ Wayne Bridge // FBref.com
  3. ↑ http://www.transfermarkt.co.uk/wayne-bridge/profil/spieler/3682
  4. ↑ England's Wayne Bridge withdraws from internationals. BBC.

Спасылкі[правіць | правіць зыходнік]

Узята з "https://be.wikipedia.org/w/index.php?title=Уэйн_Брыдж&oldid=4331872"