Уладзімір Іванавіч Салодкі

Уладзімір Іванавіч Салодкі
Дата нараджэння	1 верасня 1956(1956-09-01) (69 гадоў)
Месца нараджэння	Галынец, Буйніцкі сельсавет, Магілёўскі раён, Магілёўская вобласць, Беларуская ССР, СССР
Краіна	СССР  Беларусь
Жонка	Святлана Аляксандрава Салодкая
Альма-матар	Беларускі дзяржаўны ўніверсітэт культуры і мастацтваў
Месца працы	Дзяржаўны ансамбль танца Рэспублікі Беларусь
Музычная дзейнасць
Прафесіі	спявак
Пеўчы голас	барытон
Інструменты	вакал

Уладзімір Іванавіч Салодкі (нар. 1 верасня 1956, чыг. ст. Галынец, Магілёўскі раён) — беларускі спявак (барытон). Заслужаны артыст Рэспублікі Беларусь (1990). Муж С. А. Салодкай.

Біяграфія

У 1973 годзе скончыў Краснапольскую сярэднюю школу, быў актыўным удзельнікам многіх аглядаў школьнай мастацкай самадзейнасці. У 1979 годзе атрымаў дыплом Магілёўскага культасветвучылішча і быў накіраваны ў Дзяржаўны народны хор Беларусі.

З 1984 года — артыст ансамбля народнай музыкі «Свята». Скончыў у 1985 годзе Мінскі інстытут культуры. З 1985 года спявае ў дуэце з С. А. Салодкай. З 1994 года — адзін са стваральнікаў і саліст ансамбля народнай песні «Вяселле», з 1996 года — саліст Дзяржаўнага ансамбля танца Беларусі.

Творчасць

Валодае голасам прыгожага тэмбру, шырокага дыяпазону. У рэпертуары беларускія, рускія, украінскія народныя песні, а таксама аўтарскія творы, у т.л. «А дзе ж ты, бурлак, валачыўся» (балада), «Чапурушачка», «У лузе каліна стаяла», «Кірыла Тураўскі» (У. Будніка).

Літаратура

• Салодкі Уладзімір Іванавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14).
• Салодкі Уладзімір Іванавіч // Памяць: гістор-дакум. хроніка Краснапольскага раёна. — Мн., 2001. — С.510.