ФК Вердэр

З пляцоўкі Вікіпедыя
Jump to navigation Jump to search
Вердэр
Лагатып
Поўная назва Sportverein Werder Bremen von 1899 e. V.
Заснаваны 4 лютага 1899
Горад Брэмен, Германія
Стадыён Везерштадыян
Умяшчальнасць: 42 100
Уладальнік Марка Бодэ[d]
Галоўны трэнер
Чэмпіянат Другая Бундэсліга
2020/21 17 месца ў Бундэслізе
Сайт Афіцыйны сайт
Форма
Асноўная
форма
Форма
Гасцявая
форма

«Вердэр» (ням.: SV Werder Bremen) — нямецкі футбольны клуб з горада Брэмен. Заснаваны ў 1899 годзе. Чатырохразовы чэмпіён Германіі (1965, 1988, 1993, 2004), шасціразовы пераможца Кубка Германіі (1961, 1991, 1994, 1999, 2004, 2009). Пераможца Кубка ўладальнікаў кубкаў (1992), фіналіст Кубка УЕФА (2009).

Клуб быў заснаваны 4 лютага 1899 года як «Fußballverein Werder»[1] групай з шаснаццаці прафесійна-тэхнічных школаў, якія выйгралі прыз спартыўнага абсталявання[2]. Яны ўзялі сваю назву ад рэдка выкарыстоўваемага рэгіянальнага нямецкага слова «рачны паўвостраў», якое апісвае бераг ракі ў месцы, дзе спачатку гуляла каманда. На дадзены момант таварыства «Вердэр» налічвае 39 100 членаў[3].

Гісторыя[правіць | правіць зыходнік]

Пасля шматлікіх рэгіянальных поспехаў і заваёваў кубка, яго першы нацыянальны поспех прыйшоў з перамогай у Кубку Германіі ў 1961 годзе. Калі ў 1962 годзе была створана Бундэсліга, Брэмен стаў чэмпіёнам яе другога сезона ў 1965 годзе.

Клуб пакінуў Бундэслігу ў 1980 годзе на адзін сезон і вярнуўся туды са сваім новым трэнерам Ота Рэхагелем для новых перамогаў: другое месца ў 1983 і 1986 гадах, і яшчэ адно званне чэмпіёна ў 1988 годзе. У Кубку Германіі «Вердэр» выходзіў у фінал у 1989 і 1990 гадах, але канчаткова перамог у 1991 годзе. У наступным еўрапейскім Кубку Кубкаў Брэмен таксама быў паспяховы і перамог яго ў 1992 годзе. У 1993 годзе «Вердэр» стаў чэмпіёнам у трэці раз. Кубак Германіі быў выйграны зноў і на наступны 1994 год.

У 1995 годзе Рэхагель сышоў з каманды, каб трэніраваць «Баварыю Мюнхен», і гэта прывяло да крызісу, які скончыўся толькі ў 1999 годзе з прыходам новага трэнера Томаса Шаафа. Брэмен перамог «Баварыю» ў фінале Кубка. Наступныя гады клуб замацаваўся ў верхняй палове табліцы лігі.

У 2004 годзе, праз пяць гадоў пасля прыходу Томаса Шаафа, «Вердэр» заваяваў свой чацвёрты тытул чэмпіёна. Каманда вырвалася на 9 ачкоў наперад і мела дзве гульні ў запасе, перад выязной гульнёй з супернікам — «Баварыяй». «Вердэр» перамог 3:1 і аформіў чэмпіёнства. Ледзь пазней клуб перамог каманду з Другой Бундэслігі «Алеманію» 3:2 у фінале Кубка Германіі. Гэта быў пяты кубак у гісторыі клуба. У выніку, у 2004 годзе быў зроблены залаты дубль (яго дамагаліся толькі чатыры каманды ў Германіі).

У 2009 годзе каманда прабілася ў фінал Кубка УЕФА, але прайграла ў авертайме данецкаму «Шахцёру» з лікам 1:2. Але затое каманда перамагла ў фінале Кубка Германіі ў леверкузенскага «Баера» з лікам 1:0, заваяваўшы шосты кубак у сваёй гісторыі.

Склад[правіць | правіць зыходнік]

Станам на жнівень 2021 года.

Пазіцыя Імя Год нараджэння
Брамнікі
1 Чэхія Бр Іржы Паўленка 1992
30 Германія Бр Міхаэль Цэтэрэр 1995
40 Германія Бр Лука Плогман 2000
Абаронцы
3 Германія Аб Энтані Юнг 1991
13 Сербія Аб Мілаш Велькавіч 1995
21 Турцыя Аб Эмер Топрак Капітан каманды 1989
26 Германія Аб Ларс Лукас Май 2000
27 Германія Аб Фелікс Агу 1999
31 Італія Аб Сімон Страўдзі 1999
32 Аўстрыя Аб Марка Фрыдль 1998
36 Германія Аб Крысціян Грос 1989
Германія Аб Мітчэл Вайзер 1994
Паўабаронцы
10 Германія ПА Леанарда Бітэнкурт 1993
Пазіцыя Імя Год нараджэння
Паўабаронцы
16 Германія ПА Оскар Шонфельдэр 2001
20 Аўстрыя ПА Рамана Шмід 2000
22 Германія ПА Ніклас Шміт 1998
23 Германія ПА Мікалай Рап 1996
28 Балгарыя ПА Ілія Груеў 2000
34 Германія ПА Жан-Мануэль Мбом 2000
37 Германія ПА Торэ Якабсен 1997
Нападнікі
7 Германія Нап Марвін Дукш 1994
11 Германія Нап Ніклас Фюлькруг 1993
15 Кот-д’Івуар Нап Ражэр Асале 1993
17 Германія Нап Абдэнега Нанкішы 2002
29 Германія Нап Нік Вальтэмадэ 2002
42 Германія Нап Дэян Гален 2002
43 Германія Нап Эрэн Дынкчы 2001

Зноскі

Спасылкі[правіць | правіць зыходнік]