ФК Вікторыя Мар’іна Горка

З пляцоўкі Вікіпедыя
Jump to navigation Jump to search
Вікторыя Мар’іна Горка
Лагатып
Заснаваны 1990
Горад Мар’іна Горка, Беларусь
Стадыён Гарадскі
Умяшчальнасць: 2 000[1]
Галоўны трэнер Андрэй Хрыпач
Чэмпіянат Другая ліга
2018 8 месца

«Вікторыя» — беларускі футбольны клуб з горада Мар’іна Горка. У цяперашні час выступае ў Другой лізе чэмпіянату Беларусі.

Гісторыя[правіць | правіць зыходнік]

1990-я[правіць | правіць зыходнік]

Заснаваны ў 1990 пад назвай «Беларусь». Клуб гуляў у Чэмпіянаце БССР, пасля трапіў у Другую лігу чэмпіянату Беларусі. У 1993 быў выключаны з чэмпіянату за парушэнне рэгламенту і перайшоў на аматарскі ўзровень.

У 1996 клуб заявіўся ў Трэцюю лігу пад назвай «Энергія-ЦЭЦ-5». У 1997 пераехаў з Мар’інай Горкі ў пасёлак Дружны, але пасля сезону 1997 спыніў сваё існаванне.

У чэмпіянаце вобласці[правіць | правіць зыходнік]

Пазней клуб стаў выступаць у чэмпіянаце Мінскай вобласці пад назвай «Зорка», некалькі разоў атрымліваў у ім перамогу. З 2006 года асноўнай камандай раёна стаў «Рудзенск», і толькі ў 2010 «Зорка» зноў трапіла ў чэмпіянат вобласці. У сезоне 2014 каманда атрымала выніковае чацвёртае месца.

Сучаснасць[правіць | правіць зыходнік]

Трыбуны Гарадскога стадыёна

У снежні 2014 года было вырашана заявіць каманду з Мар’інай Горкі ў Другую лігу чэмпіянату Беларусі. Галоўным трэнерам каманды стаў Васіль Матусевіч, яго памочнікам — Гія Панчулідзэ. Аснову каманды склалі выхаванцы Мар’інагорскай ДЮСШ. У лютым 2015 года «Зорка-РФАЦ-Вікторыя» афіцыйна далучылася да Другой лігі[2]. Сезон каманда пачала ў групе А пад назвай «Вікторыя». Добрая гульня дазволіла «Вікторыі» заняць другое месца ў групе і выйсці ў фінальны этап, па выніках якога каманда атрымала выніковы сёмы радок.

У сезоне 2016, нягледзячы на неблагі старт, каманда хутка апынулася ў канцы табліцы. Аднак, атрымаўшы шэраг перамог у другой палове сезону, «Вікторыя» атрымала ў Другой лізе выніковае 9-е месца з 13. Таксама «Вікторыя» атрымала права выступу ў Кубку Рэгіёнаў УЕФА (як фіналіст Рэгіянальнага Кубка Беларусі 2015) пасля таго, як пераможца Рэгіянальнага Кубка Беларусі 2015 мінскі «Прамень» быў пазбаўлены гэтага права за ўдзел у дагаварных матчах. На кваліфікацыйным турніры Кубка Рэгіёнаў УЕФА ў Польшчы каманда (якая выступала пад назвай «Зорка-РФАЦ-Вікторыя») заняла трэцяе месца, атрымаўшы два паражэнні і згуляўшы адзін матч унічыю.

У сезоне 2017 каманда выступала паспяхова і доўгі час ішла ў верхняй частцы табліцы, аднак няўдалы фініш адкінуў «Вікторыю» на сёмае выніковае месца. На працягу сезону 2018 «Вікторыя» амаль увесь час заставалася серадняком і скончыла сезон на восьмым месцы з 15.

Дасягненні[правіць | правіць зыходнік]

Папярэднія назвы[правіць | правіць зыходнік]

  • 1990—1993: «Беларусь» (Мар’іна Горка)
  • 1996—1997: «Энергія-ЦЭЦ-5» (Мар’іна Горка)
  • 1997: «Энергія-ЦЭЦ-5» (Дружны)
  • 2000—2003: «Зорка» (Мар’іна Горка)
  • 2004: «Зорка-Тарпеда» (Мар’іна Горка)
  • 2005: «МПП-Зорка» (Мар’іна Горка)
  • 2010: «Зорка-Еўрарэспект» (Пухавіцкі раён)
  • 2011: «Зорка» (Пухавіцкі раён)
  • 2012: «Зорка-ЖКГ» (Пухавіцкі раён)
  • 2013—2014: «Зорка-РФАЦ-Вікторыя» (Пухавічы)
  • з 2015: «Вікторыя» (Мар’іна Горка)

Цяперашні склад[правіць | правіць зыходнік]

Статыстыка выступленняў[правіць | правіць зыходнік]

Чэмпіянат і Кубак Беларусі[правіць | правіць зыходнік]

Сезон Ліга М Г В Н П Галы Ачкі Кубак Заўвагі
1992 Другая (Д2) 14 15 3 5 7 15–26 11 1/32 фіналу
1992-93 Другая (Д2) 12 30 10 6 14 37–42 26 1/16 фіналу
1993-94 Другая (Д2) Выключана з чэмпіянату за паўторнае парушэнне рэгламенту
1996 Трэцяя — Б (Д3) 8 26 9 3 14 34–48 30
1997 Трэцяя — А (Д3) 12 26 6 5 15 30–62 23
2000 Чэмпіянат Мінскай вобласці (Д4) 3
2002 Чэмпіянат Мінскай вобласці (Д4) 4 20 12 3 5 46–28 39
2003 Чэмпіянат Мінскай вобласці (Д4) 1 18 16 0 2 59–13 48
2004 Чэмпіянат Мінскай вобласці (Д4) 1 24 18 4 2 63–20 58
2005 Чэмпіянат Мінскай вобласці (Д4) 1 22 15 1 6 52–32 46
2010 Чэмпіянат Мінскай вобласці (Д4) 9 24 8 4 12 47–49 28
2011 Чэмпіянат Мінскай вобласці (Д4) 5 26 11 5 10 57–54 38
2012 Чэмпіянат Мінскай вобласці (Д4) 7 26 10 5 11 38–45 38
2013 Чэмпіянат Мінскай вобласці (Д4) 12 24 4 4 16 28–56 16
2014 Чэмпіянат Мінскай вобласці — Б (Д4) 2 18 10 4 4 44–27 34
Чэмпіянат Мінскай вобласці — фінальны раўнд (Д4) 4 14 6 3 5 29–25 21
2015 Другая — А (Д3) 2 18 10 4 4 32–23 34 1/64 фіналу Выхад у фінальны этап
Фінальны этап 7 141 4 2 8 13–25 14
2016 Другая (Д3) 9 24 8 4 12 49–63 28 1/32 фіналу
2017 Другая (Д3) 7 26 13 5 8 46–31 44 1/32 фіналу
2018 Другая (Д3) 8 28 10 5 13 36–50 35 1/32 фіналу
  • 1 Улічваючы 6 гульняў, перанесеных з 1-га раўнда. Паказчыкі ўласна ў фінальным этапе: 8 матчаў, 1—1—6, розніца мячоў 5—16.

Міжнародныя кубкі[правіць | правіць зыходнік]

У 2015 «Вікторыя» атрымала права выступу ў Кубку Рэгіёнаў УЕФА (як фіналіст Рэгіянальнага Кубка Беларусі 2015) пасля таго, як пераможца Рэгіянальнага Кубка Беларусі 2015 мінскі «Прамень» быў пазбаўлены гэтага права за ўдзел у дагаварных матчах. На кваліфікацыйным турніры Кубка Рэгіёнаў УЕФА ў Польшчы каманда (якая выступала пад назвай «Зорка-РФАЦ-Вікторыя») заняла трэцяе месца, атрымаўшы два паражэнні і згуляўшы адзін матч унічыю.

Трэнеры[правіць | правіць зыходнік]

Зноскі

Спасылкі[правіць | правіць зыходнік]