ФК Дняпро Рагачоў
| Дняпро Рагачоў | |
|---|---|
| Заснаваны | 1983 |
| Горад | Рагачоў, Беларусь |
| Стадыён |
ДЮСШ-1 Умяшчальнасць: 7000 |
| Чэмпіянат | Другая ліга |
| 2023 | 7 месца ў Гомельскім дывізіёне |
«Дняпро» — беларускі футбольны клуб з горада Рагачоў, заснаваны ў 1983 годзе. У цяперашні час выступае ў Другой лізе чэмпіянату Беларусі.
Гісторыя
[правіць | правіць зыходнік]Да 1991 года гуляў у Чэмпіянаце БССР, у 1992 годзе трапіў у новаствораную Трэцюю лігу чэмпіянату Беларусі. Пасля паспяховага сезона 1996 клуб перайшоў у Першую лігу, дзе гуляў да 2005 года. У сезоне 2005 страціў месца ў Першай лізе і па фінансавых прычынах спыніў існаванне.
Пасля футбольны клуб з Рагачова ўдзельнічаў у чэмпіянаце Гомельскай вобласці. У красавіку 2014 года клуб пад назвай «МКК-Дняпро» папоўніў склад удзельнікаў Другой лігі[1], але чэмпіянат клуб пачаў ужо як «Рагачоў-МКК». У выніку клуб апынуўся ў сярэдзіне табліцы, заняўшы 15 месца з 24.
У пачатку 2015 года, дзякуючы намаганням камерцыйнага дырэктара клуба Андрэя Іваненкі, клуб зрабіў значныя крокі для папулярызацыі: быў запушчаны клубны сайт, пачалі праводзіцца забаўляльныя мерапрыемствы на стадыёне. Адной жа з самых громкіх акцый стала заяўка ў склад каманды вядомага беларускага спевака Дзмітрыя Калдуна[2], які, аднак, так і не з’явіўся на полі. У чэмпіянаце ж справы клуба ішлі не найлепшым чынам, ён хутка апынуўся ў канцы табліцы. У маі 2015 года Іваненка пакінуў сваю пасаду ў клубе[3]. У выніку каманда скончыла сезон на 17-м месцы з 20.
У пачатку 2016 года каманда ўмацавалася шэрагам ігракоў «Жлобіна», які спыніў выступы ў Другой лізе, аднак пасля паспяховага старту (дзве перамогі ў першых двух турах) стала цярпець паражэнне за паражэннем. Так і не здолеўшы істотна палепшыць сітуацыю, «Рагачоў» завяршыў сезон на 11-м месцы з 13.
У пачатку 2017 года стала вядома, што з-за фінансавых праблем каманда можа не заявіцца ў Другую лігу. У красавіку афіцыйна стала вядома, што рагачоўскага клуба не будзе сярод удзельнікаў Другой лігі ў 2017 годзе[4].
У канцы 2019 года каманда з Рагачова была названа сярод меркаваных удзельнікаў Другой лігі наступнага сезона. У красавіку 2020 года рагачоўскі «Дняпро» афіцыйна вярнуўся на рэспубліканскі ўзровень[5]. Пачатак сезона 2020 для каманды атрымаўся няўдалым, аднак пасля ўзмацення складу летам пайшлі перамогі, у тым ліку рагачоўская каманда нанесла адзінае ў сезоне паражэнне лідару — магілёўскаму «Дняпру». Тым не меней, гэтага не хапіла для выхаду ў фінальны раўнд.
У пачатку 2021 года клуб канчаткова перайшоў у прыватнае валоданне Андрэя Іваненкі, ад спонсарства змяніў назву на «Макслайн». У пачатку 2023 года гэты клуб пераехаў у Віцебск. У Рагачове ж у 2022 годзе зноў з’явілася каманда, складзеная з маладых уласных выхаванцаў, якая заявілася ў Другую лігу. У сезоне 2022 яна не набрала ніводнага ачка з розніцай галоў 7—194, на наступны год вынікі палепшыліся, і «Дняпро» сышоў з апошняга радка.
Папярэднія назвы
[правіць | правіць зыходнік]- 1983: «Аўтамабіліст»
- 1984—1987: КБМ
- 1988—1997: «Дняпро»
- 1998—2000: «Рагачоў»
- 2001: «Рагачоў-ДЮСШ-1»
- 2002—2006: «Дняпро-ДЮСШ-1»
- да 2012: РМКК
- 2013: «МКК-Дняпро»
- 2014: «Рагачоў-МКК»
- 2015—2016: «Рагачоў-МК»
- 2019—2020, з 2022: «Дняпро»
Статыстыка выступленняў
[правіць | правіць зыходнік]Чэмпіянат і Кубак Беларусі
[правіць | правіць зыходнік]| Сезон | Ліга | М | Г | В | Н | П | Галы | Ачкі | Кубак | Заўвагі |
|---|---|---|---|---|---|---|---|---|---|---|
| 1992 | Трэцяя (Д3) | 15 | 15 | 1 | 6 | 8 | 13–31 | 8 | 1/8 фіналу | |
| 1992/93 | Трэцяя (Д3) | 16 | 30 | 4 | 5 | 21 | 28–77 | 13 | ||
| 1993/94 | Трэцяя (Д3) | 10 | 34 | 13 | 6 | 15 | 45–65 | 32 | ||
| 1994/95 | Трэцяя — Б (Д3) | 5 | 22 | 9 | 6 | 7 | 39–33 | 24 | 1/32 фіналу | |
| 1995 | Трэцяя — Б (Д3) | 3 | 12 | 7 | 3 | 2 | 29–13 | 24 | ||
| 1996 | Трэцяя — Б (Д3) | 2 | 26 | 19 | 1 | 6 | 65–29 | 58 | Стыкавыя матчы | |
| Стыкавыя матчы[A] | 2 | 1 | 0 | 1 | 2–1 |  Выхад у Другую лігу | ||||
| 1997 | Другая (Д2) | 13 | 30 | 6 | 8 | 16 | 30–63 | 26 | 1/16 фіналу | |
| 1998 | Першая (Д2) | 10 | 30 | 8 | 11 | 11 | 26–42 | 35 | 1/16 фіналу | Змена назваў ліг |
| 1999 | Першая (Д2) | 10 | 30 | 9 | 11 | 10 | 49–44 | 38 | 1/16 фіналу | |
| 2000 | Першая (Д2) | 10 | 30 | 10 | 11 | 9 | 40–43 | 41 | 1/16 фіналу | |
| 2001 | Першая (Д2) | 15 | 28 | 3 | 8 | 17 | 27–67 | 17 | 1/32 фіналу |  Вылет у Другую лігу |
| 2002 | Першая (Д2) | 12 | 30 | 8 | 7 | 15 | 35–49 | 31 | Захаванне месца[B] | |
| 2003 | Першая (Д2) | 11 | 30 | 8 | 5 | 17 | 32–52 | 29 | 1/32 фіналу | |
| 2004 | Першая (Д2) | 14 | 30 | 9 | 3 | 18 | 27–54 | 30 | 1/16 фіналу | |
| 2005 | Першая (Д2) | 16 | 30 | 4 | 4 | 22 | 22–70 | 16 | 1/32 фіналу | Вылет у Другую лігу, спыненне існавання |
| 2014 | Другая — А (Д3) | 8 | 22 | 7 | 6 | 9 | 40–41 | 27 | 1/64 фіналу | |
| Матчы за 15 месца[C] | 15 | 2 | 1 | 0 | 1 | 5–4 | ||||
| 2015 | Другая — А (Д3) | 9 | 18 | 1 | 4 | 13 | 12–36 | 7 | 1/64 фіналу | |
| Матчы за 17 месца[D] | 17 | 2 | 0 | 2 | 0 | 4–4 | ||||
| 2016 | Другая (Д3) | 11 | 24 | 7 | 4 | 13 | 26–49 | 25 | 1/32 фіналу | |
| 2019 | Чэмпіянат Гомельскай вобласці (Д4) | 4 | 12 | 4 | 3 | 5 | 32–41 | 15 | ||
| 2020 | Другая — Група B (Д3) | 6 | 20 | 9 | 3 | 8 | 46–45 | 30 | 1/64 фіналу | |
| Матчы за 11 месца | 11 | 2 | 1 | 1 | 0 | 5–3 | ||||
| У 2021 годзе каманда змяніла назву на «Макслайн» | ||||||||||
| 2022 | Другая — Гомельскі дывізіён (Д3) | 10 | 18 | 0 | 0 | 18 | 7–194 | 0 | 1/128 фіналу | |
| 2023 | Другая — Гомельскі дывізіён (Д3) | 7 | 21 | 5 | 2 | 14 | 47–87 | 17 | ||
- ↑ Стыкавыя матчы паміж другімі месцамі падгруп А і Б за права гуляць у Другой лізе.
- ↑ Захаванне месца дзякуючы адмове «Оршы» працягваць выступленні ў Першай лізе.
- ↑ Стыкавыя матчы супраць клуба «Маладзечна-2013», які заняў 8 месца ў групе Б (2:3, 3:1).
- ↑ Стыкавыя матчы супраць клуба «Крутагор’е» (Дзяржынск), які заняў 8 месца ў групе Б (1:1, 3:3 — перамога па большай колькасці выязных галоў).
Галоўныя трэнеры
[правіць | правіць зыходнік]- Віктар Барухоў (1993—1995)
- Уладзімір Сіманенка (да 2001)
- Віталь Паўлаў (2002—2003)
- Уладзімір Грышчанка (2004—2005)
- Уладзімір Сіманенка (2014—2016)
- Юрый Мельнікаў (2020—2021)
Крыніцы
[правіць | правіць зыходнік]- ↑ Бюро исполкома БФФ утвердило состав участников и календарь второй лиги (руск.). football.by (4 красавіка 2014). Праверана 4 снежня 2023.
- ↑ 2-лига. Анонс сезона. Побьет ли Колдун рекорд Хоттабыча? (руск.)(недаступная спасылка). pressball.by (29 красавіка 2015). Архівавана з першакрыніцы 4 сакавіка 2016.
- ↑ Иваненко покинул пост коммерческого директора рогачевского «Днепра» (руск.). by.tribuna.com.
- ↑ Вторая лига Беларусь. Турнир пройдет с 22 апреля по 28 октября, участие примут 14 команд (руск.). by.tribuna.com.
- ↑ Утвержден формат проведения чемпионата страны во второй лиге (руск.). football.by (6 красавіка 2020). Праверана 4 снежня 2023.
| Фота, відэа і аўдыё | |
|---|---|
| Тэматычныя сайты |
